Read Tobelo O MAZMUR 19 Bible Online

O MAZMUR 19 - Tobelo bible

O MAZMUR 19

¹Mangale yonyä nyanyi manga tutuda. O Daud ai Mazmur.

²O dihanga ihi nyata ma Jou Madutu Ai mulia, deʼ o gitawa ihi ngangahu Ai gao-gao.

³O wange moioka ihiädono o wange moi ikali; o hutu moioka ihi ade-ade o hutu maduru ikali.

⁴Koiwa naga o ade-ade ekola o demo-demo, koiwa o ilingi hoihe-ihene.

⁵ Mä ai böaka yodogilianga o dunia yamode-modekika, o behehongo gënanga yadono o dunia mabaha-bahaika. Ma Jou wodiai tau o dihangoka mangale o wange malako,

⁶o ngoru-ngorumino ënanga imulaenge itararono hokä o nauru wokawi-kawingi wohupu ai kamarino, hokä o nyawa wonö nau-nauru womorene womulaenge ai dodagi.

⁷Enanga yaigo-igoro o dihanga mabahaka dema bahaika; koiwa naga koyamaoua mahauku.

⁸Ma Jou Ai tita gënanga itotomo, o jiwa yatumuloa. Ma Jou Ai pareta yakunu hangaku yahidöaka o barija o nyawa biahaika.

⁹Ma Jou Ai datoro gënanga itiai o hininga yasanangi. Ma Jou wohi tatapu gënanga itebini, yadiai o nyawa imangarati.

¹⁰Homa gilaongo ma Jouika gënanga yaoa hohi gila-gila kahiädo-adönika. Ma Jou Ai tita gënanga itiai deʼ iadili mata-mata.

¹¹Ma Jou Ai tita maija iholoi deo gurasi madutu, iholoi imutiti deo madu madutu.

¹²Mata-mata gënanga Ani gilaongo ihihidöaka o hohininga; o nyawa ihingou-ngounika o hewa ma amoko isadiaka.

¹³Moiua naga yakunu yamao manga ngekomo ihowono; Jou, ngohi nohi hibebasi deo howono i iu-iunu.

¹⁴Hangaja todiai o baradoha nohi hitingaka, uha nohigumal̄a ënanga ihi kuaha ngohi. Done ngohi todadi ahi howono koiwa, deʼ tobebasi deo dodilakuru itotubuho.

¹⁵Tanu ahi demo-demo deʼ ahi dibanga Ani hininga yadaene, ya Jou, ahi hohohongo deʼ ahi duduhuhu!