Read Tobelo O MAZMUR 24 Bible Online

O MAZMUR 24 - Tobelo bible

O MAZMUR 24

¹ O Daud ai Mazmur. O dunia de madol̄a katoma Jou, o dunia deʼ mata-mata yogogogere.

²Unanga wogelenga mahohol̄e o ngöto mal̄okuoka, deʼ waoko itotiail̄e o akere ilö luku-luku mal̄okuoka.

³O nagona yakunu yodoa ma Jou Ai Doporonil̄e, deʼ yowohama Ai Tau magoronaika?

⁴ O nyawa manga dibanga deʼ manga manarama ihowo-howonua, yokoboto yoelu-elukua deʼ yahubaua o gomanga.

⁵Unanga aha iwi hibarakati deʼ ma Jou wï hihalamati, deʼ ma Jou Madutu wohi nyata kowa howonua.

⁶Hoko gënanga o nyawa yoboa-boa iwï himanga ma Jou Madutu, yoboa iwi huba o Yakub ai Jou Madutu.

⁷Nia helenga nia woa-woatika o ngorana ilago-agomo ihira-hira, hupaya ma Koano womomulia wowohama.

⁸O naguna ma Koano womomulia? Unanga ma Jou wopoputurungu; ma Jou iwi omanga o kuaha, woutumu o parangi magoronaka.

⁹Nia helenga nia woa-woatika o ngorana ilago-agomo ihira-hira, hupaya ma Koano womomulia wowohama.

¹⁰O naguna ma Koano womomulia? Ma Jou Duru woko Kuaha, Unanga o Koano womomulia!