Read Tobelo O MAZMUR 30 Bible Online

O MAZMUR 30 - Tobelo bible

O MAZMUR 30

¹O Daud ai Mazmur. O nyanyi mangale ma Jou Madutu Ai Tau yatabis.

²Ngohi toni higiriri Ngona, ya Jou, hababu Ngona nohi hihalamatoka deʼ nahi gumal̄aua ahi haturu ihihi uli-ulili.

³Jou ahi Jou Madutu, ngohi toma hiböaka Ngonaika togahoko o roriwo, deʼ Ngona nohihi togumoka.

⁴Ngona nohihi rehenoka deʼ yohone-honenge manga ngï, deʼ nohihiwangoka o nyawa yohone-honenge manga hidogoronaka.

⁵Nihi nyanyi o higiriri mangale ma Jou, hei Ai umati nisosatia, deʼ nisyukur Duru Wotebi-tebinika.

⁶Hababu wohi jai-jai dika ma Jou wongamo, Ai oa itagi gila-gila o ngango magurutu. O hutu-hutu ngohi toari, mä danengino deʼ ibatingi iao o morene.

⁷maöraha tamao isanangi, ngohi totemo, ”Ngohi aha koihi utumua!”

⁸Hababu Ngona ani hininga yaoa ngohino ya Jou, Ngona nohi diai ngohi hokä o l̄oku ipoputurungu. Mä deʼ ipaha Ngona nohi ngiunoka, deʼ ngohi idadi tohawana.

⁹Ngonaika, ya Jou, ngohi tomahiböaka, Ngonaika ya Jou ngohi togahoko,

¹⁰”Okia mabaraguna Ngonaika nako ngohi tohonenge deʼ touti o lungunu mabaituku? Kaiyakunu o nyawa yohonengoka ini higiriri Ngona deʼ ihi abari Ani satia?

¹¹Noihene, ya Jou, deʼ nohï dora ngohi. Jou nohï riwo ngohi!”

¹²Ahi dodora Ngona nangalioka idadi o morene mahol̄e deʼ maselo, Ngona nal̄ë ahihininga mahuha deʼ Ngona nohi hiomanga deʼ o morene.

¹³Done ngohi toluku toma rïdi; tohi nyanyi o higiriri mangale Ngona, ya Jou ahi Jou Madutu, deʼ tosyukur Ngonaika hiado-adonika!