Read Tobelo O MAZMUR 4 Bible Online

O MAZMUR 4 - Tobelo bible

O MAZMUR 4

¹Mangale yonyä nyanyi manga tutuda. De o kecapi ihi gogule. O Daud ai Mazmur.

²Ya Jou Madutu, Ngona nohi pöpaliara; nohibaluhu nako ngohi toma hiböaka. Maöraha ngohi tohuha, Ngona nohï riwo ngohi; öraha nënanga nohï dora ngohi deʼ noihene ahi niniata.

³Hei hagala o nyawa, hokokiahi madekana niwi hikauku ma Jou Madutu? Hiädono muruonoka ngini nio hohininga ipoparahaja deʼ nia kinïki o tengeluku?

⁴Nihi öriki, ma Jou womä ngirikoka mangale Ai diri womatengo Wï dora-dora. Ma Jou woihene nako ngohi tomahiboaka Unangika.

⁵ Nima hidahahuruku nihawana deʼ uha nibaradohali. Nia totakihiri de inoli nima rirïdi, maöraha nimahi ruba-ruba nia ngidu-ngidu mangïoka.

⁶Nihihuba o huhuba madiai deʼ niwi ngaku ma Jouika.

⁷Manga ngöe o nyawa yoleha, ”O naguna aha wona hibarakati ngone?” Tanu ngomino Ani hininga yadaene ya Jou.

⁸Ngona nadiai ahi hininga iholoi imorene de o nyawa manga dumule mahasili dema boboloi.

⁹Done ngohi tomahi ruba-ruba deʼ tomäidu ahi hininga irïdi, hababu duga-duga Ngona, Jou, nadiai ahi wowango isanangi!