Read Tobelo O MAZMUR 56 Bible Online

O MAZMUR 56 - Tobelo bible

O MAZMUR 56

¹ Mangale yonyä nyanyi manga tutuda. Imoteke malugo: O namodara imou-mou, o daera magögurutino. O Daud ai Mazmur maöraha o Filistin manyawa iwi tagoko o Gat mabereraka.

²Nohï dora ngohi, ya Jou Madutu, hababu ngohi ihi parangi, ihoa-hoanua hagala ahi haturu ngohi ihi tuku.

³O wange magurutu ahi lawani ngohi ihi doko-doko; kamanga ngöe ihï haturu ngohi, ya Jou Madutu Duru Noko Kurutil̄e.

⁴Maöraha ngohi tohawana, ngohi toma hinganono Ngonaika.

⁵Ngohi tihigiriri ma Jou Madutu karana okia Unanga wohi jajaji; ngohi tongaku Unangika, done ngohi tohawanua, o nyawa koihï moroeninoua.

⁶O wange magurutu ahi haturu yaruae ahi perekara, koi hoa-hoanua önanga ihidailako ngohi ihi bodito.

⁷Onanga ima toomu o ngingiunoka, yatötailako hagala tododiai, deʼ yolingiri o öraha mangale ngohi ihi toma.

⁸Boteka naga o halamati toönanga manga dorouika? Nä binaha önanga Ani dohata magoronaka, ya Jou Madutu!

⁹Ngona naetongo mawange kiaka honanga totagi-tagi deʼ nohiöriki ma amoko ahi köngo; boteka Ngona kona etongua?

¹⁰Mawange ngohi toma hiboaka Ngonaika, ahi haturu aha tähidodohuku, hababu ngohi tohiöriki Jou Madutu nohihiboa ngohi.

¹¹Ngohi tihigiriri ma Jou Madutu, karana okianaga Unanga wojajajioka.

¹²Ngohi tïngaku Unangika done ngohi tohawanua, o nyawa koihi moroeninoua.

¹³Ngohi tatotomo ahi jaji Ngonaika, ya Jou Madutu, deʼ tohihuba o syukur mahuhuba Ngonaika.

¹⁴Hababu Ngona nohi hirehenoka ngohi deo honenge, Ngona nohï goana ngohi hupaya ihi otakua. Done ngohi yakunu towango ma Jou Madutu ai hohohongo magoronaka, o cahaya magoronaka yatararono mata-mata iwö wango-wango.