Read Tobelo O MAZMUR 6 Bible Online

O MAZMUR 6 - Tobelo bible

O MAZMUR 6

¹Mangale yonyä nyanyi manga tutuda. De o kecapi ihi gogule. Imoteke malugo matufangeoka. O Daud ai Mazmur.

² Jou, uha nohi gohara ngohi Ani dohata magoronaka, uha nohi hukumu ngohi Ani gangamo magoronaka.

³Nohï dora ngohi ya Jou, hababu ahi kuata koiwaka, Nohihikuata ngohi hababu ngohi ihi bole.

⁴Ahi hininga duru tomahiorikokaua; hiädono muruonoka Nohi mal̄aika ngohi, ya Jou?

⁵Noma kilioro, Jou, deʼ nohi hirehene, nohi hihalamati karana Ani dora.

⁶Hababu o honenge maduniaka Ngona inï hininga okaua; moiua ini higiriri Ngona o nyawa yohone-honenge manga duniaka.

⁷Ngohi duru ihi bole karana kato kokururihi; o hutu ihi getongo ahi kongo iuihi yapehaka ahi ngidu-ngidu mangï.

⁸Ahi lako itararonokaua karana ahi hininga ihuha, deʼ kama hohuhutu karana hagala ahi haturu.

⁹ Nipiringana, hei o nyawa madorou, hababu ma Jou woihenoka ahi gari.

¹⁰Ma Jou woihene ahi gogahoko deʼ watarima ahi niniata.

¹¹Mata-mata ahi haturu aha yatodokana deʼ yä mal̄eke deʼ dema japati ima dohuku de kamanga mal̄eke.