Read Tobelo O MAZMUR 61 Bible Online

O MAZMUR 61 - Tobelo bible

O MAZMUR 61

¹Mangale yonyä nyanyi manga tutuda. Ihi giniki de o kecapi. O Daud ino.

²Noihene ahi boaka, ya Jou Madutu, natailako nohi dodiai ahi niniata.

³Magurutika de ahi tau ngohi topöaka Ngonaika, karana ngohi ahi ngonganono i toaka. Ngona aha nohi ngotaka ngohi o diditoko i sosanangika, o ngi ikö kurutil̄e holi mangale ngohi;

⁴hababu Ngona ahi hohohongo, o dadatoko ikö kua-kuata ahi haturuika.

⁵Mal̄aikala ngohi ahi umuru magurutu towango toma hidodogumu Ani tau-tauoka, hupaya o sanangi Ani gahuhu mahohohongoka.

⁶Hababu Ngona noihenoka ahi jaji, ya Jou Madutu, deʼ nohidöaka ngohino o nyawa manga wowango itebi-tebini manga puhaka.

⁷Tanu ma koano ai umuru ikurutu, hiadono ünanga wowango wongohaka de wodanongo.

⁸Tanu ünanga wopareta madeka-dekanika hokä o koano Ani ngongiriki, ya Jou Madutu, nigoana ünanga de Ani dora deʼ Ani satia.

⁹Done ngohi aha salalu o puji tohi nyanyi Ngonaika, de inoli o wange tohi getongo ahi jaji taganapu.