Read Tobelo O MAZMUR 62 Bible Online

O MAZMUR 62 - Tobelo bible

O MAZMUR 62

¹Mangale yonyä nyanyi manga tutuda. Imoteke: o Yedutun. O Daud ai Mazmur.

²Toma riridi ahi jiwa iwi dama ma Jou Madutu, Unangino dika ahi halamati.

³Duga-duga Unanga wohï goana deʼ wohi hihalamati, Unanga ahi roriwo, ngohi aha koto giwiua.

⁴Hiadono muruonoka ngini nimau niwi parangi womatengo hokä o bebeno ikumurukikaka deʼo bebeno o mehele ngade-ngade iruba?

⁵Ngini duga-duga nianiata niwihiotaka ünanga aigogere ikökurutil̄eoka. Ngini niö igo nieluku; de niauru ngini niwi hibarakati, mä nia hininga magoronaka ngini niwilolai.

⁶Ima riridi ahi jiwa iwi dama ma Jou Madutu, Unangino dika ahi halamati.

⁷Duga-duga Unanga wohï goana deʼ wohihihalamati; Unanga ahi roriwo, ngohi aha koto giwiua.

⁸Unanga ganga ma Jou Madutu wohihi döa-döaka ngohi o halamati deʼ o horomati, Unanga ahi gogoana deʼ ahi roriwo wokö kua-kuata.

⁹Hei ahi hoana de ahi berera, nima hinganono ma Jou Madutuika o öraha mahigetongo; nia kopoa nia hininga madol̄a Unangika, hababu Unanga ganga tongone nanga ngï homa hohongo.

¹⁰O nyawa duga-duga o ngomaha moi, yopako de yoeteke kaimaketero yobaragunaua. Nako hätibanga, inyata önanga youwini, iholoi youwini deo ngomaha moi.

¹¹Uha nio nganono o rusi mahasili, deʼ uha nia ngaku okianaga ya ora-oraino. Idogoika nako nia kaya idogo-dogo, uha nia hininga imahi tataulu enangika.

¹²Mamuruono naga ngohi toihene ma Jou Madutu wotemo igoungu o kuaha ma ahali Unangino,

¹³ deʼ igoungu Unanga kahirahi wonä dora. Ngona, ya Jou, nabalahi o nyawa moi-nyawa moi imoteke manga manarama.