Read Tobelo O MAZMUR 64 Bible Online

O MAZMUR 64 - Tobelo bible

O MAZMUR 64

¹Mangale yonyä nyanyi manga tutuda. O Daud ai Mazmur.

²Ya Jou Madutu, noihene ahi niniata maöraha ngohi tohuha, o haturu tämodo-modongika nohihalamati ahi nyawa.

³O nyawa yososatiaua manga doomuino Nohï goana ngohi, o nyawa madorou manga akali itotorouino.

⁴Onanga yadiai toönanga manga akiri madoto hokä o oworo, deʼ ihi hupu manga demo-demo mahayanga koiwa hokä o toimi madoto.

⁵Toönanga manga ngingiunino önanga ihi gerewoto o tengeluku majarita, manga modongo koiwa önanga yäfitana o nyawa yahowo-howonua.

⁶Onanga imahi jojo ikekete manga niati itotorouika, deʼ ima hikadailako yomau ihi akana o modoi; önanga yatobote moiua naga yämake.

⁷Onanga ihidailako o dorou, deʼ yotemo, ”Ngomi midiai o hidailako o akali duru itotorou.” O nyawa manga hininga deʼ manga akali duru iluku, hakunua hödumunu.

⁸Mä ma Jou Madutu wohi toimi ai toimi onangika, deʼ itodokanino önanga yäl̄abo.

⁹Onanga yobinaha karana toönanga manga demo mahirete; yamö make-make mata-mata manga häeke yagiwi.

¹⁰Done o nyawa mata-mata aha yohawana; önanga yapikiri ma Jou Madutu Ai manarama deʼ ihi ngangahu okianaga Wadodiaioka.

¹¹Done mata-mata o nyawa maoa aha yomorene karana okianaga ma Jou wadodiai. Onanga aha ima hohongo Unangika; mata-mata o nyawa manga hininga iriko-rikoto aha ima hiamoko.