Read Tobelo O MAZMUR 67 Bible Online

O MAZMUR 67 - Tobelo bible

O MAZMUR 67

¹Mangale yonyä nyanyi manga tutuda. Ihi ginïki de o kecapi. O Mazmur.

²Tanu ma Jou Madutu wonä dora deʼ wonahibarakati ngone, tanu Unanga wonä pulono ngone Ai hininga dema hayanga.

³Ya Jou Madutu, tanu Ani mau o dunia yamode-modekika yanako, deʼ Ani halamati nohi nyata o hoana deo berera mata-mata manga hidogoronaka.

⁴Tanu hagala o hoana deo berera ini higiriri, ya Jou Madutu, tanu mata-mata o hoana deo berera yosyukur Ngonaika.

⁵Tanu mata-mata o hoana deo berera youlili yomorene, deʼ yonyanyi de manga garago. Hababu Ngona nopareta dede iadili deʼ nätuda o hoana deo berera moi-moi o duniaka.

⁶Tanu hagala o hoana deo berera Ini higiriri, ya Jou, tanu mata-mata o hoana deo berera yosyukur Ngonaika.

⁷O tonaka ihidöakoka mahasili, Jou Madutu, tongone nanga Jou Madutu wonahi barakatioka ngone.

⁸Ma Jou Madutu wonahi barakatioka ngone: tanu Unanga iwi horomati o duniaka ingodumu.