Read Tobelo O MAZMUR 7 Bible Online

O MAZMUR 7 - Tobelo bible

O MAZMUR 7

¹O Daud ai dodora, wohi nyä nyanyi mangale ma Jou, karana o Kus o Benyamin manyawa gënanga.

²Ya Jou ahi Jou Madutu, ngohi toma hohongo Ngona ika; Nohi hihalamati deʼ nohi hirehene de o nyawa mata-mata ihi kö kokiniki.

³Uha nä mal̄aika önanga hokä o singa ihi goli deʼ ihi tatauru deʼ koiwa o roriwo mangale ngohi.

⁴Jou ahi Jou Madutu, o demo ma ade ngohi torusi-rusi, todiai o dorou ahi dodiawo ika, ekola tädiai o rugi ahi lawani dema hababu okia-kiaua, o demo ma ade ngohi todiai hoko gënanga,

⁶mal̄aikala ihi giniki deʼ ihi tagoko ahi haturu, daha ihi toma deʼ ihi dogumal̄aika o tonakoka.

⁷No momiki Ani dohata magoronaka, ya Jou, nalawani ahi haturu manga gangamo. No momiki la nohiriwo ngohi, hababu Ngona nalingiri iadi-adili.

⁸Na toomu hagala o hoana deo berera Ani higilolitino, deʼ nä kuaha önanga Ani popareta ma kuruhi o horogaka de yaino.

⁹Ngona nahi hakimi o nyawa; nohi hidöaka ngohino o adili, ya Jou, hababu ngohi ko tahowonua.

¹⁰ Nohi bobahaka o nyawa yo sosatiaua manga dorou deʼ na bitumu o nyawa maoa manga hininga, hababu Ngona ma Jou Madutu no adi-adili, nö dumu-dumunu o nyawa manga hininga deʼ manga dibanga.

¹¹Ahi hohohongo ganga ma Jou Madutu wahi hohalamati o nyawa manga hininga irö riko-rikoto.

¹²Ma Jou Madutu ganga hakimi wo adi-adili, o oraha ma higetongo wä hukumu o nyawa ma dorou.

¹³Nako toönanga manga kalakuanga koi ngaliua, Unanga woma hidiai de ai dae ya hoho honenge. Unanga woma gihoro Ai oworo deʼ womä deli Ai toimi ma leha, daha wahi meta Ai toimi ma doto dema uku-ukuoka.

¹⁵Na make o nyawa ma dorou wa tatoro i totorou; ünanga wodiai o datoro ma dorou deʼ wodiai o tipu.

¹⁶Unanga wo haiti o baiti mangale o nyawa ma homoa, mä ünanga mahirete iwi otaka ma goronauku,

¹⁷Hoʼ ünanga ai dorou mahirete iwi hukumu, deʼ to ünanga ai dogowini ünanga iwi hangihara.

¹⁸Ngohi to syukur ma Jouika hababu Unanga wo adili, tohi nyanyi o higiriri mangale ma Jou, Wokö Kurutil̄e.