Read Tobelo O MAZMUR 72 Bible Online

O MAZMUR 72 - Tobelo bible

O MAZMUR 72

¹O Salomoino. Ya Jou Madutu, nihi dotoko Ani tita ma koanoika, nohidöaka Ani adili ma koano aingohaka o naurika.

²Tanu ünanga wahi juruhakimi Ani umati imoteke o tita, deʼ nahidiai o nyawa yätuku-tuku dema adili.

³Tanu tongomi mia berera mahasili iwöe deʼ misosanangi, deʼ naga o adili ingodumu o hoana de o bereraika.

⁴Tanu ma koano wöriwo o kawaha biaha manga haku, wäriwo o mihikini manyawa deʼ wäbinaha wamata-mataka yatuku-tuku önanga.

⁵Tanu ünanga kahirahi woma tumungu de aingohaka de ai danongo, madekana naga hö o wange malako deʼ o mede.

⁶Tanu ünanga hokä o awana yodotawana o tonaka ilua-luasuku, hokä o awana mariki-rikimi yodahahuru hagala o dumule.

⁷Tanu o adili ihero imatero madekana o oraha, deʼ o hasili iwöe dema boboloi imatero madekana naga o mede.

⁸ Ai popareta aha idogo iwoata deʼ ikurutu o ngötoka de o ngötika, ima hohe o wange mahiwaroko hiädono o wange madumuniha.

⁹O tonaka ikokakaha yogogogere aha ima ponu unangika deʼ o haturu yatilabukuku ai l̄ou mahimangoka.

¹⁰O Tarsis ma kokoano deʼ o nunuhu aha yoao o huhuba unangika. O Arab deʼ Etiopia manga kokoano yoboa yoao o soungu.

¹¹Mata-mata o koano aha yatilabukuku ai himangoka, hagala o hoana deo berera yodadi ai gogilaongo.

¹²Hababu ünanga wälapahi o nyawa yätuku-tuku okia-kiaua yakunu, deʼ o mihikini manyawa imahi böa-böaka Unangika.

¹³Unanga wädora o mihikini manyawa deʼ o kawaha biaha, deʼ wohi halamati o nyawa huha manga wowango.

¹⁴Onanga yatö tuku-tuku deʼ yapö pakisa Unanga wahi bebasi, hababu toönanga manga wowango duru dema raganeoka Unangika.

¹⁵Nowango noutumu Jou koano! Tanu unangika iwi hihuba o gurasi o Arabino. Tanu ünanga iwi hiniata o öraha ihigeto-getongo deʼ salalu iwihibarakati.

¹⁶Tanu o gandum dema boboloi o berera yamode-modekika, deʼ madoporono-doporono iomanga deo tonaka mahasili. Tanu matonaka iburere hokä o Libanon mal̄oku mabuturungu, deʼ toenanga makota yögogogere yodogo hokä o momo o tonaka malua-luasoka.

¹⁷Tanu ma koano ai romanga yöhohininga kahiado-adonika, deʼ yahö heto-hetongo idogo madekana hö o wange malako naga. Tanu o hoana deo berera yogahoko yahi barakati hokä ünanga, deʼ mata-mata o nyawa yahetongo ünanga woutumu.

¹⁸Iwi higiriri ma Jou, o Israeloka manga Jou Madutu! Duga-duga Unanga wadodiai o hali ihö hera-heranga.

¹⁹Ihigiriri Ai romanga imomulia kahiado-adonika; tanu o dunia yamode-modekika iomanga deʼ Ai mulia! Idadi hoko gënanga, Amin!

²⁰Hoko gënanga o Daud o Isai aingohaka ai niniata.