Read Tobelo O MAZMUR 75 Bible Online

O MAZMUR 75 - Tobelo bible

O MAZMUR 75

¹Mangale yonyä nyanyi manga tutuda. Imoteke malugo: Uha nia binaha o Asaf ai Mazmur. O nyanyi.

²Ngomi mini huba Ngona, ya Jou Madutu, ngomi misyukur Ngonaika deʼ mihingangahu Ani gao-gao miö hera-heranga.

³Ma Jou Madutu wotemo, ”Maöraha Tohitö tantuoka, Ngohi aha tohi juru hakimi dema adili.

⁴Nako o dunia igiwi de yögogogere mata-mata Ngohi nanga tabö bitu-bitumu maliate.”

⁵O nyawa yoigo yohohoreto yoelu-eluku, Ngohi tätemo hupaya uha yohohoretoli yoelu-eluku.

⁶deʼ o nyawa madorouika, hupaya uhalinia jako nima ede-edengoli. Uha nihiamoko nia diri ekola nia ade-ade de nia edenge.

⁷Hababu o juru hakimi iboaua o wange mahiwariha ekola o wange madumunoko kowaliö o koremie il̄e ekola o koreharauku.

⁸Mä ma Jou Madutu mahirete wahi juru hakimi, Unanga moi Wahi tipokouku deʼ mahomoa Wahi kurutil̄e.

⁹Ma Jou Ai dohata hokä o udo-udomo Ai giamoka, o udo-udomo gënanga madol̄a o angguru ikö kua-kuata. Ma Jou Madutu wauhe madol̄a, mata-mata o nyawa madorou o duniaka kokiani yaokere hiädono imata-mataka.

¹⁰Mä ngohi aha kahirahi tohingangahu o Yakub ai Jou Madutu, tohi nyanyi o higiriri Unangika.

¹¹Unanga aha Watobiki o nyawa madorou manga kuata, ena hioko o nyawa maoa idogo yokuata.