Read Tobelo O MAZMUR 76 Bible Online

O MAZMUR 76 - Tobelo bible

O MAZMUR 76

¹Mangale yonyä nyanyi manga tutuda. Ihi ginïki deo kecapi. O Asaf ai Mazmur. O nyanyi.

²Ma Jou Madutu duru iwi nako o Yehuda madaeraka; Ai romanga kayaheto-hetongo o Israel matonakoka.

³O Yerusalem ganga Ai tau mangï; o Sion ma Doporono Ai gogere mangï.

⁴Dokengoka Unanga wawede-wederuku mata-mata o parangi mapakakaha, o toimi madoto mata-mata ileletongo, o dadatoko deʼ o oworo.

⁵Igoungu Ngona nomulia, deʼ nohailoa, Noma hiholoi de hagala ol̄oku mahiraino.

⁶O nyawa yobobarani näoraka; önanga yakiokoka deʼ aha koyomomikokaua. O popajurete yopoputurungu ihihangoka manga kuata.

⁷Mata-mata o kuda deʼ yobare-barenuku yohonenge yaotaka mangale Nodorohu, ya o Yakub ai Jou Madutu!

⁸Igoungu Ngona honï modo-modongo! Nako Ngona nongamo, o naguna wakunu kairioka?

⁹O dihanga de yaino Ngona nohi nyata Ani putuhu; o dunia ihawana deʼ ima rïdi.

¹⁰Maöraha Ngona nomomiki de noma okoino nomau nätailako mangale nahihalamati o nyawa yatö tuku-tuku o duniaka.

¹¹O nyawa duru yohohateraö maini higiriri Ngona, deʼ kayatoha-tohatika imahi ngöere o karongo manonako yoduka.

¹²Ani jaji natotomo ma Jouika ani Jou Madutu. Kokiani hagala o hoana mata-mata ima hitigi-tigika yogogere yoao o huhuba ma Jou Madutuika hïmodo-modongo.

¹³Unanga Watobiki yokokuaha manga hininga mahauku; o kokoano kaima hidahaharuku Ai himangoka.