Read Tobelo O MAZMUR 85 Bible Online

O MAZMUR 85 - Tobelo bible

O MAZMUR 85

¹Mangale yonyä nyanyi manga tutuda. O Korah ai ahaluku manga Mazmur.

²Ngona ani hininga yadaene Ani tonakika, ya Jou, o Israel manga goko il̄e Nohigilioka hoi hira-hirali.

³Ngona nohi apongoka Ani umati manga baradoha; Naeheoka hagala manga howono.

⁴Onanga konä ngamo okaua; Ani muruka hömodo-modongo Nadohukokali.

⁵Nomi higilio hoi hira-hirali, ya Jou Madutu ngomi Nomi hihalamati, uha Nomi murukaoli ngomino.

⁶Kahokogenangika Ngona nomï ngamo ngomi deʼ kahirahi Nängomo mia ngohaka de mia danongo?

⁷Nomi hikuatokali ngomi hupaya ngomi Ani umati mimorene karana Ani roriwo.

⁸Nohidumutu igoungu Ngona kahirahi Nomï dora, ya Jou, Nomi hidöaka ngomi o halamati Ngonaino.

⁹Ngohi tomau toihene ma Jou o Jou Madutu Ai demo; Unanga wona hijaji o halamati ngoneino, Ai umati, iti yakunu ngone hogiliokaua o baradoha hodiai.

¹⁰Igoungu, Unanga woma sadiaka Wahihalamati o nyawa manga wowango itebi-tebini, Ma Jou Madutu womomulia aha Wogogere Womä tau tongone nanga bereraka.

¹¹O dora deo satia aha imakamake, o adili deʼ o dame aha imateke kokololo.

¹²O nyawa manga satia aha iwango o duniaino, deʼ ma Jou Madutu Ai adili o dihangoka de inahiha hahere.

¹³Ma Jou wohidöaka ma oa-oa, done tongone nanga tonaka ihidöaka mahasili.

¹⁴O adili aha iwï hihira ma Jou, deʼ yasadia o ngekomo mangale Unanga.