Read Tobelo O MAZMUR 87 Bible Online

O MAZMUR 87 - Tobelo bible

O MAZMUR 87

¹O Korah ai ahaluku manga nyanyi, o nyanyi o gahumu moi. Ma Jou wohi goko Ai kota Ai doporono itebi-tebini mal̄okuoka.

²Mata-mataika o kota o Israel mabereraka, o Yerusalem iholoi Wödora.

³Noihene, hei ma Jou Madutu Ai kota, o hali-o hali ihöhera-heranga Wahetongo mangale ngona:

⁴”O Mesir deʼ o Babel aha Tohi ngohama o hoana deo berera ihi ngou-ngounu Ngohino manga daftar magoronaka. Maboboloi o Filistea, o Tirus deʼ o Sudan iwohama o Yerusalem yogögogere manga gegetongika.”

⁵O Sionika o nyawa aha yotemo, mata-mata o hoana deo berera de manga kawaha, deʼ Duru Wokö Kurutil̄e aha wabitumu ënanga.

⁶Ma Jou aha wahi ngohama hagala o hoana deo berera o Yerusalem yogögogere manga daftar magoronaka.

⁷Onanga aha yoselo deʼ yonyanyi, ”O Sion ganga ahi ahali manga ngï!”