Read Tobelo O MAZMUR 91 Bible Online

O MAZMUR 91 - Tobelo bible

O MAZMUR 91

¹O nyawa ima hidutuluku Duru Wokö Kurutil̄eika, deʼ yogogere Duru Woko Kuaha Ai hohongo magoronaka,

²yakunu yotemo ma Jouika, ”Ngona dika ahi roriwo deʼ ahi gogoana, ahi Jou Madutu, Ngonaika ngohi tongaku.”

³Unanga aha wonihirehene ngona o bodito i iu-iunino, deʼo panyakeino iao-ao o honenge.

⁴Unanga aha wonihi tamunu ngona de Ai gahuhu, hiädono ngona nomahirorahai Ai hohohongo magoronaka; Ai setia hokä o datoko ini hitatoko ngona.

⁵Ngona ngarouha nohawana mangale o bodito maöraha o hutu-hutu, ekola o parangi ini hitodokanino maöraha o wange-wange;

⁶mangale o bodito iboa-boa o hagahutuoka, ekola ini bobinaha ini tapalu o wange i kokoronauku.

⁷Ngaro yaribuhu moi yohonenge ani datekoka, deʼ yaribuhu ngimoi ani nirakika, mä ngona mahirete aha koini l̄aboua.

⁸Nako ngona napulono ani gilolitino, ngona nämake o nyawa madorou yäkorona mabalahi.

⁹Hababu ngona ma Jou idadi ani roriwo, Duru Woko Kurutil̄e idadi ani gogoana.

¹⁰Done ngona aha ini koronaua o huha, ani tau aha yatapalua o bodito.

¹¹ Ma Jou Madutu wahuloko Ai malaekat inï goana ngona, mangale inï goana ngona okiaika dika noiki.

¹² Onanga aha ini goraka ngona manga giama mahoatuku, hupaya ani l̄ou uha ipeleke o helewoika.

¹³ Ngona aha nöaguru o dodiha deʼ o singa, napitoko o singa ma gö deʼ o dodiha ibiha-biha.

¹⁴Ma Jou wato, ”O nyawa ihï hohininga Ngohi aha Tahihalamati, ihihigoungu Ngohi aha Tatatokino.

¹⁵Nako ünanga womahiböaka Ngohino, Ngohi aha tibaluhu. Maöraha iwi hidehoto, Ngohi aha tïriwo ünanga; ünanga aha Tihirehene deʼ Tihidöaka o horomati.

¹⁶Unanga aha Tihisanangi dede ai umuru ikurutu, deʼ Tihihalamati.”