Read Tobelo O MAZMUR 92 Bible Online

O MAZMUR 92 - Tobelo bible

O MAZMUR 92

¹O nyanyi mangale o Sabat mawange.

²Igoungu yaoa hosyukur Ngonaika ya Jou, deʼ honi higiriri Ngona, Jou Madutu Duru Noko Kurutil̄e;

³Ihi ngangahu Ani dora ma öraa o ngoru-ngorumino deʼ Ani setia maöraha o hutu-hutu,

⁴inoli yokuti o hitar magumini ngimoioka, ihiginïki deo gambus deʼ o kecapi.

⁵Hababu Ani manarama yasanangi ahi hininga, ngohi tomore-morene tonyanyi karana Ani gao-gao.

⁶Hokokia ma amoko hagala Ani manarama, ya Jou, hokokia malukuku hagala Ani dibanga!

⁷O nyawa bodo yakunua imangarati o nyawa fuma yanako itiaiua.

⁸Yakunu idadi o nyawa yososatiaua hokä o momo iwango iburere, deʼ o nyawa madorou kai dogo yokaya deʼ okia-kiaua yokuranga; mä önanga aha yabinaha kamamoi,

⁹hababu Ngona, ma Jou nokuaha kahiado-adonika.

¹⁰Ngomi mihiöriki Ani haturu aha yäbinaha, ya Jou, o nyawa madorou mata-mata aha yahikabarihi.

¹¹Ngona nadiai ngohi tokuata hokä o banteng ihühuhuku, deʼ Nohi hibarakati ngohi deo utumu.

¹²Ngohi tamake hagala ahi haturu yohihanga, hagala o nyawa yomö momikoka ihi lawani ngohi, toönanga manga datoro madorou toihenoka.

¹³O nyawa manga hininga iriko-rikoto yotori hokä o kurma magota mautu, deʼ iwango iburere hokä o liwewuru magota mautu o Libanonoka.

¹⁴Onanga hokä o gota mautu idödato-datomo ma Jou Ai Tauoka, deʼ ima hohe tongone nanga Jou Madutu Ai Tauoka.

¹⁵o gota mautu kaihö hohokohi maöraha yatimonoka, kahirahi maijo-ijo deʼ kama hungi-hungi.

¹⁶Genanga manyonyata igoungu ma Jou woadili; Unanga ahi roriwo, koiwa naga o rusi Unangoka.