Read Tobelo O MAZMUR 95 Bible Online

O MAZMUR 95 - Tobelo bible

O MAZMUR 95

¹Niaino ngone honyanyi mangale ma Jou, niulili mangale wonahihohalamati!

²Niaino hihimanga mangale Unanga de nanga syukur malugo, houli-ulili mangale Unanga de nanga higiriri malugo.

³Hababu ma Jou ganga ma Jou Madutu womomulia, ma Koano wopoputurungu woma hiholoi de hagala o gikiri.

⁴Unanga wakuaha mahidoku ilö luku-luku o duniaka, hagala o l̄oku matubuö kato Unanga.

⁵Unanga wakuaha o ngöto, hababu Unanga wodiai, o dudungu ma Ai giama mahasili.

⁶Niaino ngone hatilabukuku hihuba Unanga, hatilabukuku ma Jou Ai himangoka, tongone nanga dodadi.

⁷ Hababu Unanga ganga tongone nanga Jou Madutu, ngone o umati Wonä popaliara, hokä o duba wogo goa-goana. O wange nënanga ni ihene Ai ilingi:

⁸ ”Uha nia togowini nia häeke hokä nia ete de nia tohora o Meribaka, hokä maöraha önanga o Masaka, o tonaka ikokakahaka.

⁹Dokengoka önanga ihi taili Ngohi, ngaroko önanga yamakeoka Ahi manarama.

¹⁰Madekana o taongo moruata Ngohi täemono önanga; Ngohi tato: Igoungu, o hoana deo berera gënanga manyawa yosetiaua! Onanga yölegaikaua hagala Ahi pareta.

¹¹ Done Ngohi tokoboto Ahi dohata magoronaka, önanga aha koyowohamua o bereraika gënanga, layamake o dodogumu dede Ngohi.”