Read Tobelo O AMSAL 24 Bible Online

O AMSAL 24 - Tobelo bible

O AMSAL 24

¹Uha anihininga isanangiua o nyawa madorouika, deʼ uha nönahihu nimateke dodiawo dede önanga.

²Onanga duga-duga yapikiri itotorou deʼ duga-duga ihiade-ade okianaga yahibobodito.

³O giahekata manga tau ihigoko deo barija deʼ o mangarati.

⁴Deʼ nako naga o ganako, done makamari aha ihidol̄a deo bara-baranga dema roraganeoka deʼ ihöhailoa.

⁵O nyawa yobobarija iholoi yokumati ngaro de o nyawa yokua-kuata; o ganako iholoi iparalu ngaro deo röehe makuata.

⁶Karana o parangi uwahi kokiani naga ihira o hidailako madatoro ioha-ohakoka, deʼ iholoi iwöe yononasihati, iholoi i lamoko madodagi aha youtumu.

⁷O bodo manyawa wakunua wodumunu o barija. Unanga okia-kiaua yakunu wotemo nako o nyawa magogiriaka ihiade-ade o hali-hali ipöparalu.

⁸O nyawa salalu wohidailako watatoro o dorou, aha iwihetongo wororuae.

⁹Moi-moi o nyawa bodo manga akali ganga o baradoha. O nyawa salalu yähohedu o nyawa mahomoa, o nagona dika mayä sanangiua.

¹⁰Nako ngona aninganono itoaka o huha magoronaka, ganga ngona o nyawa yobole-bole.

¹¹Uha notaka-taka nahibebasi o nyawa iwigelengaka o hukumanga iwihohonenge; nahihalamati o nyawa magogiriaka iwi ngotaka o hukumanga iwinune iwihohonenge mangïika.

¹²Kayakunu dika ngona notemo, ”Genanga ngohiua ahihidailako.” Mä ma Jou Madutu kawoni tötailako ngona. Unanga wohiöriki deʼ ani dibanga wögelenga o adili. Unanga wabalahi o nyawaika imoteke ai manarama.

¹³Ahingohaka, kokiani nol̄omo o madu, hababu gënanga yaoa. Hokä sarakia o madu o ohungu maigutino, imutiti mangale haol̄omo,

¹⁴hoko genangoli o barija yaoa mangale ani jiwa. Nako ngona nobarija, itararono anihimangika.

¹⁵Uha hokä o nyawa madorou imateke fakati iwiora demapakisa o nyawa aihininga iriko-rikoto deʼ yaora ai tau.

¹⁶Hababu ngaroka o nyawa aihininga iriko-rikoto woruba wohigali-gali, salalu ünanga aha kawomomikoli. Mä i idulu yaino, o nyawa madorou aha yowede-wederuku mangale o bodito.

¹⁷Uha nosanangi nako anihaturu yobodito, deʼ uha nomorene nako ünanga iwiotaka.

¹⁸Hababu, maraioka ma Jou aha wamake animanarama gënanga deʼ wapulono itorou, dewähukumokaua anihaturu gënanga.

¹⁹Uha namao initohata ekola nosanangiua o nyawa madorouika.

²⁰O nyawa madorou koiwa o öraha manga himangika deʼ koiwa manga ngonganono.

²¹Ahingohaka nïmodongo ma Jouika, deʼ nïhoromati ma koano. Uha nomahi mote-moteke de o nyawa yälawa-lawani önanga.

²²O nyawa marupa hokogënanga yakunu yohihanga o lako dadawiua, karana o bodito wädupuda ma Jou Madutu ekola ma koano o perekara mahohumujurua.

²³O nyawa yososawaro yotemoka hoko nënanga: O hakimi yakunua wotubuho mahonongauku.

²⁴Nako o nyawa yahowonowahi nyata yahowonua, done o hakimi gënanga aha iwilolai deʼ iwidoa-doana o nyawa mata-mata.

²⁵Mä o hakimi wähukumu o nyawa yahowo-howono aha wosanangi deʼ iwihoromati.

²⁶Ai bobaluhu duru wakokorona ganga manonako imakohobata madutu.

²⁷Uha nadiai o giahekata nako anidumule noma diaiowahi deʼ koiwahi anililingiri.

²⁸Uha nodadi o nyawa mahomoa manga hakihi nako matiti madiai koiwa; uhaoli noeluku iwikorona unangika.

²⁹Uha notemo, ”Ngohi aha tabalahi unangika okianaga wadodiaioka ngohino!”

³⁰Mamoi iböto ngohi takaino o nyawa iwitotebeturu wobodo-bodo aiinomo madumule deʼ aiangguru madumuleino.

³¹Tamake genangoka duga-duga o dadatomo mahohihika deʼ o nguhumu. Mapagari o mehele mairubaka.

³²Tatötailakoka detatibanga taluku-lukuku o hali gënanga, tamake o dodotoko nënanga:

³³ Deo gioko deʼ o ngidu hokokiaua madekana, de yogogeruku imälugoino deʼ imahibatongo ihijai-jai,

³⁴o kuranga deʼ o mihikini iboa itodokanino hokä yoora-ora de manga daeoka.