Read Tobelo O AMSAL 26 Bible Online

O AMSAL 26 - Tobelo bible

O AMSAL 26

¹Hokä o awana o ngogoro maorahoka, deʼ o domoata mahau-haukoka, hoko genangö o higiriri mangale o nyawa bodo ipatutua.

²Hokä o totaleo ihoho deʼ imawöwoto o gitawaka, hoko genangö o lolai yakunua yakorona o nyawa yahowo-howonuaika.

³O keledai kokiani dema aro-aroka mauruino, o kuda kokiani yagohara, hoko genangö o nyawa bodo kokiani yägohara.

⁴O nyawa yöbaluhu o nyawa yofuma-fuma manga loleha, imatero manga bodo deo nyawa gënanga.

⁵O loleha ibodo-bodo kokiani hobaluhu deo bobaluhu ibodo-bodoli, hupaya wolö leha-leha wamao ünanga wosawaroua hokä watobote wosawaro.

⁶Hihuloko womatengo o nyawa bodo la wohidingoto o abari, imatero hatobiki nanga l̄ou mahirete deʼ halingiri o bodito.

⁷Hokä o nyawa wolugu-lugu wohidagi ai l̄ou, hoko genangoli o nyawa bodo wohiade-ade yososawaro manga ngaje-ngaje.

⁸Hihigiriri o nyawa koiwa-iwa ai ganako, hokä o helewo haliko hakëkeketika o katepelika.

⁹Hokä yadalu-daluku ihihupu o hihika manga giamoka, hokogenangoli o nyawa bodo ihiade-ade yososawaro manga ngaje-ngaje.

¹⁰O nagona wahikarajanga o nyawa bodo ekola sabaranga o nyawa aha yahi rugi o nyawa manga ngöe.

¹¹ Hokä o kaho yögilio mangunangika, hoko genangoli o nyawa bodo wögilioli aibodo.

¹²O nyawa duru wobodo-bodo kayaoahi deo nyawa wamao aidiri wososawaro.

¹³Iwi totebeturu wöigo wogogere aitauoka; ünanga wotemo ”Naga o singa maporetoka, ngohi yakunu ihigoli o ngekomo mahidogoronaka.”

¹⁴Hokä o ngorana iloliti maengseloka, hoko genangoli iwitotebeturu waidu-idulu airöehe aingidu-ngidu mal̄okuoka.

¹⁵Naga o nyawa iwitotebeturu o goguleua; hohugara o inomo aiuruoko maünanga wöigoua.

¹⁶Iwi totebeturu wamao aidiri iholoi wobarija ngaro deo nyawa yatumidi ihidöaka manga bobaluhu duru yakokorona.

¹⁷O nyawa wonö ninïkiwosapuru o ributu magoronaka enahioko tounangua aimanarama imatero hokä watagoko o kaho ihühuhuku mangaukika.

¹⁸O nyawa wotipu-tipu, daha wotemo, ”Ngohi duga-duga tohangaja dika,” kaimatero deo nyawa yätotogohanga ihigogule o dae i bobahaya.

²⁰Nako o gota koiwaka, i honenge o uku; nako o uru pidaha koiwiwaka, o ributu ma imatogumu.

²¹Hokä o kuru deʼ o gota yadiai o uku kahirahi itokara; hoko genangö o nyawa yöigo-igo o ributu yatuhuku okianaga idödadadi.

²²O fitana gënanga majame ihemoro; o nyawa yöigo yalahiri.

²³Hokä o bohoko o tonaka ihihopu o haaka, hokogenangö o nyawa manga uruoka mamutiti mä manga hininga itorou.

²⁴Wotobadohata imutiti aidemo-demo mä ai hininga iomanga deo akali itotorou.

²⁵Ngaroko ünanga aidemo mahailoa, uha nïngaku; karana o dohata yakuaha aihininga.

²⁶Ngaroka ünanga wagogono aidohata, mata-mata o nyawa aha yamake aidorou.

²⁷O nagona yohaiti o pidaha mangale o nyawa mahomoa, aha yödohodoa magoronauku. O nagona yadululu o helewo hupaya o nyawa mahomoa yabänga, aha yabänga mahirete o helewo gënanga.

²⁸Häeluku o nyawa kaimatero dika dehädohata. O uru mamutiti yädotagao o bodito.