Read Tobelo O PENGKHOTBAH 8 Bible Online

O PENGKHOTBAH 8 - Tobelo bible

O PENGKHOTBAH 8

¹Hokokia ai sanangi o nyawa wobobarija. Unanga wohiöriki mabobaluhu mangale o perekara. O barija iwidiai ünanga womorene kawoma hö humuiete, hiädono ai biono salalu mamangangoro.

²Niamoteke nako ma koano winihidöaka o pareta, deʼ uha nidiai o jaji demadataiti ma Jou Madutuika.

³Ma koano yakunu wodiai de ai mau, nako ünanga ai hininga yadaenua, iholoi yaoa nomahi kurutika dede ünanga.

⁴Ma koano wodiai dema kumati; koiwa yobarani iwi lawani!

⁵O nyawa iwi hingou-ngounu unangika, aha yorïdi deʼ yosanangi; o nyawa yososawaro ihiöriki muruonoka deʼ sarakia iwi hingounu ma koano.

⁶Mangale hagala moi-moi naga maöraha deʼ madodagi mahirete, mä duru mahuhutulu ngone hamangarati!

⁷Moiua ö ihiöriki okia aha idädadi iwï dodamä, deʼ koiwa yakunu yahetongo okia aha idadi.

⁸Moiua o yakunu yatumungu ekola yatuda manga honenge. Genanga o parangi yakunua yatila, wakunua ünanga wo otana enangino, ngaro de ai hidailako itotorou deʼ ai tipu.

⁹Mata-mata nënanga tamake maöraha tatailako tohidodiai hagala o dodadi o duniaka nënanga. Mamoi-mamoi o nyawa yapake manga kuaha mangale yahibodito manga dodiawo o nyawa.

¹⁰Mamoi iböto tamake o nyawa madorou wohonenge deʼ iwilungunu. Mä maöraha hagala o nyawa ai lungunoka de yaino yolio, önanga iwihigiriri ünanga o kotaka mangï ünanga wododiai o dorou. Ho, genangö kaparahaja.

¹¹Yadodoa hoko gënanga magapanga o nyawa yodiai o dorou? Karana o hukumanga dema japatiua yahidöaka.

¹²Ngaroka o dorou o ratuhu moi wadiai womatengo wobobaradoha, ünanga kahirahi wowango ikali ai umuru ikurutu. O nyawa yato, o nagona iwihingounu ma Jou Madutuika, marai ai ngango magapanga mangöe.

¹³I idulu yaino, o nyawa madorou yamake o huha mangöe. Ai ngango majapati ipaha hokä o gurumini. Unanga aha wohonenge ai umuru kai gö ohi karana ünanga wihingounua ai Jouika.

¹⁴Mä mata-mata gënanga o demo ihohomoa mata-mata. Niamake dika okia idödadadi o duniaka: Naga o nyawa yotebi-tebini yahukumu hokä yososetiaua, naga o nyawa yododiai o dorou yabalahi hokä o nyawa yotebi-tebini. Ho, genangö kaparahaja.

¹⁵Tatoomuino enagënanga o nyawa kiani yomorene. Karana ai wowango magoronaka o duniaka koiwa o sanangi mahomoa unangika sawaliua wol̄omo, wokere deʼ womore-morene. Genanga dika yakunu wajame o huha de ai kangela mahidogoronaka, madekana wowango ma Jou Madutu wihidoa-döaka unangika.

¹⁶Maöraha ngohi tohidailako tamake o barija, deʼ tohininga tohidodiai hagala idodadadi o duniaka nënanga, done ngohi tamao ngaroka ngone homahihuha de homahi kangela o hutu deo wange homahi bato-batongua,

¹⁷ngone hakunua homangarati ma Jou Madutu Ai manarama. Sarakia o ngone hohidailako, hakunua ngone hamangarati. O nyawa yososawaro imangaku ünanga wohiöriki, ma demadiai ünanga wohiörikua.