Read Tobelo O KIDUNG AGUNG 3 Bible Online

O KIDUNG AGUNG 3 - Tobelo bible

O KIDUNG AGUNG 3

¹O hutu-hutu, ahi dangiroka, o nanere magoronaka tilingiri ahi mamane; tilingiri ünanga, mä kaparahaja.

²Ngohi tomau tomomiki deʼ takiloliti o kota, tatailako o tapaka deʼ o ngekomo mata-mata. Ngohi tomau tilingiri ahi gate mabelaka; tilingiri ünanga, maʼ kaparahaja.

³Ngohi ihi make o kota magogoana, deʼ täleha, ”Boteka ngini niwi make ahi gate mabelaka?”

⁴Daha ipahaika tamal̄a önanga, tïmake ahi gate mabelaka. Tisö ünanga, deʼ tipidilokaua hiädono tiao ngohi ayo ami tauika, o kamari o nyawa ihihi ngoha-ngohaka ngohi.

⁵Nijaji, hei Yerusalem mamoholehe, de hagala o maijanga deʼ hagala o kijang o tonaka i lua-luasoka, ngini aha nia ruaeua o igo, hiädono ënanga yakihounu.

⁶Okia gënanga o tonaka makokakahaka de yaino, imahi rupa o nofo ikokapupu? Mabounu hokä o mur deʼ o manyanyi, deʼ o badaä mabounu mahemoro ima huku-hukunino.

⁷Nolega, gënanga o Salomo iwihi mö moku-moku, ihi gilolitino o nyawa yokö kua-kuata yamoributanga, hagala o Israeloka manga nyawa yopoputurungu,

⁸yanö nako-nako o parangi magoronaka. Onanga mata-mata imagao o oworo manga goronaino ima hidiai yöhimanga o parangi maöraha o hutu-hutu.

⁹O Salomo wodiai ai diri moi o momoku, o gotaino duruhe ibobaraguna.

¹⁰Maliate yadiai de o haakaino, deʼ ma ake-ake o gurasiino. Magogogere mangï marupa maungu, yauriti de o hininga i sosanangi mangale o Yerusalem mamoholehe.

¹¹Nihupu hei o Sion mamoholehe, niwilega ma Koano Salomo deo makota mihitamunu ngoi ayo, wokawingi mawangeoka, ünanga womore-morene mawangeoka.