Read Tobelo O KIDUNG AGUNG 5 Bible Online

O KIDUNG AGUNG 5 - Tobelo bible

O KIDUNG AGUNG 5

¹Ngohi toböa ahidumuleika, dodoto, toniko kawi-kawingi, tatoomu o mur deʼ ahi rampa-rampa; taol̄omo o ohungu maigutu deʼ ahimadu, tokere o susu deʼ ahi angguru mateongo. Nol̄omo deʼ nokere, dodiawo, nokere hiädono o nahihu nohidaluku.

²Ngohi tomaidu, mä ahi hiningaka kai momikino. Noihene, ahi mamane wotolo o ngorana. Nahelenga o ngorana, dodoto, ahi mamane, ahi namodara, ahi hininga mapuji, ahi häeke ipehaka karana o dumunitara, ahi tadauru iomanga o huhutu madumunitara madututu.

³Ahi baju taikoka; boteka aha tomahi noaoli? Ahi l̄ou taihoroka, boteka aha tapesekoli?

⁴Ahihininga igogaraki karana ahi mamane wasö o ngorana magagao.

⁵Done ngohi tomomiki tomau tahelenga o ngorana mangale ahi mamane. O mur ahi giama deʼ ahi hagararaoka de yauku itutu yapehaka o ngorana mabebeno majojo.

⁶Tibelenga o ngorana mangale ahi mamane, mä ünanga woma idulu deʼ woikoka. Ngohi duru tömau ai ilingi; tilingiri ünanga, mä kaparahaja. Tiahoko ai romanga mä ünanga wohaluhua.

⁷Ngohi ihi make o kota magogoana; önanga ihi gohara deʼ ihi l̄abo-l̄abo ngohi, ahi saledangi önanga yal̄e dema pakisa.

⁸Homaka jaji, hei Yerusalem mamoholehe, nako ngini niwimake ahi mamane, nihi abari unangika, ngohi o nahihu tohi panyake.

⁹Boteka ani mamane iholoi o mamane ma homoa, hei moholehe duru nohöhailoa? Boteka ani mamane iholoi o mamane mahomoa, hiädono ngona nomï huloko ngomi mijaji?

¹⁰Ahi mamane wokuata deʼ wohailoa, iholoi watilakuril̄e o nyawa yaribuhu ngimoi manga hidogoronaka.

¹¹Ahi häeka hokä o gurasi, o gurasi madutu, ai tadauru ihimö moku-moku deʼ ma madaromo, imatero mama daromo o wogono.

¹²Ai lako hokä o namodara o jobubuoka, o namodara imahi ohiki o susu, igogere o lupüngu madatekoka.

¹³Ai gotoaka hokä o rampa mabou-bounu madumule, ai uru makai o bakung mabunga ihi dututu o mur madutu.

¹⁴Ai giama marahai, ma ali-ali o gurasi de o haaka, ai roëhe hokä o gadingi yobootekika o nilam mahelewo.

¹⁵Ai l̄ou hokä o liate-liate o marmer magare-garehe, demahohol̄e o gurasi madutu. Ai jako imatero makuata hagala ol̄oku o Libanonoka, deʼ imatero mahailoa o aras magota.

¹⁶Imutiti holi ai demo-demo, hagala moi-moi unangoka yamorene nanga hininga. Hoko gënanga ahi mamane deʼ ahi dodiawo, hei Yerusalem mamoholehe!