Read Tobelo O YESAYA 15 Bible Online

O YESAYA 15 - Tobelo bible

O YESAYA 15

¹ Nenanga ma Jou Aibehehongo mangale o Moab. O kota Ai deʼ o Kir yabinahaka maöraha o hutumoi magoronaka, deʼ o Moab manga berera idadi duru kairïdika.

²O Dibon manyawa yadoa o doporono mangale yogari manga gikiri yahuba-huba mangioka. O Moab manyawa de manga duka yododora o Nebo deʼ Medeba makota. Onanga yakori manga häeke deʼ manga parahi hokä manonako yoduka.

³Hagala o nyawa o ngekomoka imahipake o pakeanga o karongo manonako mangahininga iduka; o nyawa yododora deʼ yoari o tanalapangoka deʼ o tau makatuoka.

⁴O Hesybon manyawa deʼ o Eleale yolau-lau, deʼ toönanga manga ilingi yoihene hiädono o Yahasika. Ikali o tentara yohaharoka; toönanga manga barani ihihangoka.

⁵Ngohi tadora o Moabika! Manyawa imahi ditoko o Zoar deʼ o Eglat-Selisia makotaika. Naga yadoa o ngekomo o Luhitika ikali yoari; naga yopiringana o Horonaimika ikali yopoa-poaka karana yatapal̄u o bodito.

⁶O Nimrim maNgairi maakere deʼ o momo iwöwango-wango madatekoka itoolengoka itotoongoroka, koiwaka yongangoli iwö wango-wango maijo-ijo.

⁷Hagala o nyawa yatö tobo-tobongo o Haarabim ma Ngairi maiti deʼ ihidailako ihihalamati hagala toönanga manga arata.

⁸Okiakahononga o Moab maribatingoka yoihene o böaka. O dodora gënanga yoihene o Eglaim deʼ o Beer-Elimoka.

⁹O Dibonoka o ngairi maakere idadi itokara karana imakaganu o awunu. Deʼ ma Jou Madutu aha wodotagao hagala o hali iholoi homodo-modongooli hagala o nyawauku dokengoka. Yotötoa-toaka wahidingoto aha yätoma mata-mata o Moab manyawa kayo wango-wangohi.