Read Tobelo O YESAYA 4 Bible Online

O YESAYA 4 - Tobelo bible

O YESAYA 4

¹O öraha gënanga o ngoheka yatumidi aha iwisö o nauru womatengo deʼ yotemo, ”Nomi higumal̄a ngomi minihigoungu ngona hokä miarokata, hupaya ngomi miamakeua o mal̄eke karana mikawingua. O inomo deʼ o pakeanga yakunu ngomi miatagongo mahirete.”

²Aha iboa maöraha ma Jou wadiai moi-moi idato-datomo deʼ o gota iwango idadi ipako dei ihailoa o bereraka nënanga. O wange gënanga o Israeloka manyawa yohohalamati aha yamao yomorene deʼ imahetongo karana manga gugutuku mahasili.

³O nyawa moi-moi yogogogere o Yerusalemoka, hagala o nyawa wairi-iriki ma Jou Madutu mangale wahihalamati, aha yähetongo yotebini.

⁴De ma Jou Aikuaha aha wäjuruhakimi deʼ watebini Ai umati. Unanga aha wätebini o Yerusalem hagala o nyawa yatoma-toma manga awunu o kotaka gënanga.

⁵ Daha o Sion ma Doporono mal̄okuoka deʼ o nyawa mata-mata imatotoomuino genangoka ma Jou wohidadi o lobi maöraha o wangeoka, ikali o nofo deʼ o dararono madokara maöraha o hutu-hutu. Ma Jou Madutu mahirete de Ai kuaha aha watamunu deʼ wogoana o kota gënanga ingodumu.

⁶Unanga aha wahohongino ikokiriaino maöraha o wangeoka, deʼ wohidadi o ngï imataduhu o awana iriki-rikimika deʼ o rato.