Read Tobelo O YESAYA 48 Bible Online

O YESAYA 48 - Tobelo bible

O YESAYA 48

¹Ni ihene, hei Yakub aidifauku, o Yehuda ai difauku yapake o Israeloka manga romanga, notemo ngona ningaku o Israeloka manga Jou Madutu deʼ nokoboto de ma Jou Ai romanga. Mä ani demo-demo gënanga irikotua.

²Ngaroka hoko gënanga, ngona nomangaku de anihininga ilamoko ngona o kota itebi-tebini manyawa; deʼ ngona nomahi tangono o Israel manga Jou Madutuika iwihetongo ma Jou Duru wo KoKuaha.

³Ma Jou wotemo, ”Ni ihene, hei Israel! Okia idadadi mahira, madekanoka Tohingahu; okia Totö temo-temo, Tadiai tohitodokanika deʼ Tohidadi manyonyata.

⁴Ngohi tohioriki ngona anihininga irihiki, ani häeke itogowini deʼ anihäeke ihelewo.

⁵Done maöraha mahiraohi Tohidemooka; idadiuahi, Tohingahuoka, hupaya ngona uha notemo, gënanga anigomanga madulada-dulada mamanarama.

⁶Mata-mata Tohidemo-demo, no öihe-ihene idadioka; ngonakokiani nohigoungu Ahidemo gënanga itiai. O öraha nënanga Ngohi tohingahu hagala o hali mahungi, hagala o rahasia nohiorikuaohi.

⁷Nenanga daha Ngohi tohidadi, deʼ kahuruonikaua; komaiwahi ngona noihene mangale o hali gënanga, hupaya ngona yakunua notemo, ngona nohioriki hagala moi-moi.

⁸Ngohi tohiöriki ngona yakunua honingaku, maöraha kahurounikahi ngona ini heto-hetongo hokä nosatiaua. Hababu gënanga ngona nohiörikua, kao demo moiömä koiwa yadono aningaukika.

⁹Ngohi tatumungu Ahigangamo hupaya Ahiromanga kaya heto-hetongo. Ngohi tatumungu ngonaika, hupaya ngona inibinahaua.

¹⁰Ngohi toniuji ngona ohangihara mauku magoronaka, hokä o haaka yatebini o hohakai mauku magoronaka.

¹¹Genanga Tadiai mangale Ahidiri mahirete, hababu Ngohi tamal̄aikaua Ahiromanga yapeseke; Ahimulia Tareguua de o nagonaö dika.”

¹² Ma Jou wotemo, ”Ni ihene Israel, o umati Tiniö aho-ahoko, Ngohi kahirahi nia Jou Madutu. Ngohi madodihiraka, deʼ Ngohiö mabobahaka.

¹³Ahigiama yogelenga o dunia mahohol̄e deʼ ihihoheika o gitawa. Nako Ta ahoko maromanga, önanga de madataiti yoboa.

¹⁴Nimatoomu ngini mata-mata deʼ niihene! Hagala ogikiri mahidogoronaka koiwa ihidodemoka Ahi ngongiriki manyawa aha yäparangi o Babel, ünanga aha wadiai okia womö mau-mau.

¹⁵Ngohi tohidö demo-demo deʼ tiö aho-ahoko ünanga, tituda ünanga, hiädono ünanga wohasili.

¹⁶Niaino nimahi tigi-tigino Ngohino deʼ ni ihene, maöraha kahuruonikahi Ngohi totemo de tohitotararonika; deʼ ahidemo salalu Tohidadi manyonyata.” Oraha nënanga o Jou ma Jou Madutu wohihuloko ngohi deʼ wohihidöaka ngohi Aikuaha mahirete.

¹⁷O Israeloka manga Jou Madutu wotebi-tebini, winihi Hohalamati wato, ”Ngohi o Jou ani Jou Madutu, tonidotoko ngona okia ibobaraguna ngonaika, deʼ tonituda ngona ongekomo kokiani nanönonuoka.

¹⁸Hokä nako ngona nohohininga hagala Ahipareta, done anihalamati hokä o ngairi komaiwahi idudungu, deʼ aniutumu hokä olulu ongötoka komaiwa imatogumu.

¹⁹Anidifauku ahakaimatero mangangöe de odowongi mamuku-mukulu; Ngohi tätagongo önanga aha yahibinahaua.”

²⁰ Nioiki deʼ nioara o Babel de niaino, nihingahu-ngahu o abari nënanga okiaika honanga. Nihiabari de omorene maabari: ”Ma Jou wahihalamatoka o Israel, Aigilaongo!

²¹Maöraha Unanga wätuda önanga yanonu otonaka mamomo koiwa-iwa, önanga o kiriti madudungu ihihangiharaua. Ma Jou wabelaka ol̄oku mahelewo deʼ wahahuru oakere, ohelewoino Unanga wohiuihi oakere mangale önanga.

²² Koiwa ohalamati mangale onyawa madorou,” hoko gënanga ma Jou wato.