Read Tobelo O YESAYA 5 Bible Online

O YESAYA 5 - Tobelo bible

O YESAYA 5

¹ Ni ihene ahi nyanyi mangale ahidodiawo ai angguru madumule. Ahi hobata toünanga ai angguru madumule o doporono madukuroka iböboburere.

²Unanga wapasolo matonaka deʼ waumo hagala o helewo. Wadatomo o angguru wongiri-ngirikino Wohi goko yogoa-goana mamenara. Wohaiti moi o gohu aiangguru wodeo-deo mangï, daha ünanga wodama mahohoko magomuku, mä mahasili o angguru mahohoko magogiohiki.

³Ho öraha nënanga ahihobata wotemo, ”Ngini mata-mata, o Yerusalem deʼ o Yehuda manyawa, nia juruhakimi ahiangguru madumule dede ngohi mia hidogoronaka.

⁴Okiaoli kiani tadiai, mä tadiaiuahi mangale ahiangguru madumule gënanga? Yadodoa mahohoko magogiohiki ihihasili, deʼ mahohoko maoaua hokä töngano-nganono?

⁵Hoko nënanga aha tohidiai Ahi angguru madumuleika gënanga: O pagari magilolitino aha Tarahuku, o bebeno o mehele ihitatatokino aha Taruba, daha Tamal̄aika o aiwani madorou yabinaha deʼ yapito-pitoko.

⁶Ngohi aha tamal̄aika yongango idato-datomo o huhuku. Ai angguru mautu aha Toboporua, deʼ aha Toliamoua. Koaholi Todogumal̄aika yatamunuku o gota ma alu-aluhu mahohihika deʼ o momo, de Tohihi gumal̄aua hagala o lobi yoderero o awana mal̄okuku.”

⁷Hababu ma Jou Duru Wo Kuaha ai angguru madumule ganga o Israeloka maumati, deʼ hagala o Yehuda manyawa ganga o angguru mautu Wadö dato-datomo. Onangino Unanga wonganono o adili, mä duga-duga naga o lalimi. Unanga wönganono önanga ihigogoko o diai, mä duga-duga naga o böaka yogahoko o adili.

⁸Nibodito ngini nioija-ija o tau-tau deʼ niaora hagala o dumule mangale tingini nihidogo! Itedekanokauaoli imata o ngï mangale o nyawa mahomoa deʼ duga-duga ngini okahi niogogere o bereraka gënanga.

⁹Toihene ma Jou Duru woko Kuaha wokoboto, ”Hagala o tau maago-agomo deʼ marorahai nënanga mata-mata aha ihomoa moiua yo gogere.

¹⁰O tonaka mahasili aha ikuranga, o angguru madumule maamokika o bau ngimoi duga-duga ihihasili o angguru mateongo o litere ngimoioka. O gihihi o litere o ratuhu moi duga-duga ihihasili o gandum o litere ngimoioka.”

¹¹Nibodito ngini! O ngorumino hiädono yohutu niamanarama duga-duga niokere o sopi deʼ nimahohadaluku.

¹²Hagala niarameangoka naga o kecapi, o gambus, o rebana deʼ o sulingi deʼ o ngokere o angguru. Mä ngini aha niahaduliua ma Jou Aimanarama deʼ okia wadodiai.

¹³Hababu gënanga Ahi umati okia-kiaua ihiöriki aha yoiki yaliliara hokä o dagokino. O tutuda-tutuda deʼ o kawaha aha ihihonenge o habirokata deʼ o kiriti madudungu.

¹⁴O honenge mauru ihelenga mangoatika mangale yalahiri o Yerusalemoka manga nyawa yolago-agomo kamamoi o kawana yorameanga yarame-rame.

¹⁵O nyawa moi-moi aha yahimal̄eke, de, yoöede-edenge yahitipokouku.

¹⁶Mä ma Jou Duru woko Kuaha wohidumutu Ai mulia de wadiai okia madiai. Unanga aha wohimatoko Aidebi-debini de wa juruhakimi Ainyawa.

¹⁷O kota magiliangoka o kabingi deʼ o duba mangohaka aha i ol̄omo o momo deʼ ikurangua o inomo.

¹⁸Nibodito ngini hokogenangika nibaradoha.

¹⁹Nitemo, ”Mal̄aika o Israeloka manga Jou Madutu wotebi-tebini itaiti wodiai! Mal̄aika Unanga wädiai Aidatoro, hupaya ngone hamake deʼ hohioriki.”

²⁰Nibodito ngini nia totakaidulu maoa-oa deʼ madodorou, mahohuhutu deʼ madodararono, mamali-mali deʼ mamuti-mutiti!

²¹Nibodito ngini niapulono niadiri ibarija deʼ duru isawaro!

²²Nibodito ngini nikuata niokere o angguru! Ngini nibobarani deʼ ikiria nako kokiani nihikaganu o sopi idalu-daluku!

²³Mä duga-duga mangale niamake o tiwi o urubokumu, ngini niahibebasi o nyawa yahowo-howono, deʼ niatatoko o nyawa yahowo-howonua yamake o adili.

²⁴Ngini niatilaka ma Jou Wo Kokuaha Ai dodotoko, deʼ nihikauku o Israeloka manga Jou Madutu wotebi-tebini Ai pareta. Hababu gënanga, hokä o gandum maröehe madoolenge deʼ o momo madoolenge imata youku o uku magoronaka, hokogenangoli niangutu-ngutuku aha idadi iwedere, niabunga-bunga idadi i toolenge deʼ imata yawuwu o hidal̄oko.

²⁵Ma Jou wängamo Ainyawaika. Unanga womahidiaioka mangale wähukumu önanga. Hagala o l̄oku aha igiwi; hagala o maiyeti ima hikabarihi hokä o wal̄e o ngeko-ngekomoka. Mä ma Jou kawängamohi deʼ kahirahi aha wahukumu.

²⁶Ma Jou aha waahoko o hoana manga gogurutika deʼ önanga aha yoboa de manga japati!

²⁷Onanga hokogenangika imahidiai yoparangi deʼ yanakoua yabole. Onanga komaiwahi imaidu ekola yakioko.

²⁸Aitoimi madoto kohamodol̄omo deʼ Aitoimi mal̄eha womahidiai wohitoimi. Aikuda makuliti imatero madogowini o helewo o uku, deʼ aikereta malululu iloliti hokä o hidal̄oko o rato mangutuku ihiara.

²⁹Aitentara yopöaka hokä o singa daha yagolino mainomo, daha yao ihioara, deʼ koyapidiliua.

³⁰O wange gënanga o Israeloka yongodumu yoihene o parangi maböaka imatero makuatil̄e o ngöto maruruhu. Niapulono, o dunia yamode-modekika gënanga o huhutu deʼ i omanga o dehehoto. O dararono idadi duru kohamohuhutu.