Read Tobelo O YESAYA 50 Bible Online

O YESAYA 50 - Tobelo bible

O YESAYA 50

¹Ma Jou watemo o Israelika, ”Hei Ahiumati, natobote Ngohi toniduhu ngona hokä orokata womatengo womiduhu ngoi hekata? Nako hoko gënanga, kiaka amingongoluku mahurata? Natobote Ngohi tonihukunu ngona, hokä oama womatengo wähukunu aingohaka onagimi yogaho-gahoko? Kowali! Ngona initagoko deʼ iniumo, karana anibaradoha deʼ anidorou mahirete!

²Yadodoa Ahiumatino moiua oyohaluhu, maöraha Ngohi toboa taahoko önanga? Okia önanga imariridoka dika karana yatobote Ngohi takunua tahibebasi deʼ tahihalamati önanga? Igou-goungu, mangale Ahipareta o ngöto idadi idudungu, o ngai-ngairi Tohidadi o tonaka makokakaha, hiädono o nawo-nawoko ihonenge deʼ mabounu ongohoko.

³O dihanga Tohidadi itaromo mahohuhutu, Ngohi tatamunu hokä deo duka mapakeanga.”

⁴Ma Jou Duru Woko Kurutil̄e wohï dotoko ngohi totemo-temo, hupaya ahidemo yahikuata o nyawa yäbole-bole. O ngorumino magetongo Unanga wohimomiki ahingigo mangale tohigihene Aidodotoko ngohino.

⁵Ma Jou wohihidöaka omangarati; ngohi tomalawanua ekola Unangoka de toma idulu.

⁶ Tohidöaka ahiporete onyawa ihigö goha-goharika ngohi; deʼ ahigotoaka o nyawa yarö rahu-rahukika ahiparahi. Ngohi tohiniporua ahibiono maöraha ngohi ihihikauku deʼ ihi obiri.

⁷Hababu o Jou ma Jou Madutu wohiriwo ngohi, done ngohi wohihi mal̄ekua. Ngohi tohikuata ahihininga hupaya totongohono; ngohi tohioriki ngohi ahaihihi mal̄ekua.

⁸ Hababu ma Jou Madutu womahi tigi-tigino Unanga wohi nyata ngohi tahowonua. Onagona yomau mimateke ributu dede Ngohi? Niaino ngone hotagi nanga himangika homakinïki. Onagona ihilawani ngohi? Niwihuloko ünanga womahi tigino ngohino.

⁹Igoungu, ma Jou Duru woko Kurutil̄e wohïdemo ngohi, onagona yobarani ihinyata ngohi tahowonua? Mata-mata ihikokalaki ngohi ahayohihanga hokä o ngoere mababiti yaol̄omo o goguhu.

¹⁰Hei ngini niwihö horomati ma Jou, deʼ nihigihene Aigilaongo manga demo o ngekomo ngini nianononu mudukua ihuhutu, deʼ koiwa osahaya inidararono nginika; mä niwingaku ma Jouika; nimahi diki nia Jou Madutuika.

¹¹Hei ngini nimau niahibodito o nyawa mahomoa, ngini ahainihibinaha mangale niadatoro mahirete. Ma Jou wadodiai önanga idadi, ngini aha inïhangihara de kohagiria.