Read Tobelo O YESAYA 59 Bible Online

O YESAYA 59 - Tobelo bible

O YESAYA 59

¹Uha niatobote ma Jou duru kaimobole mangale winihihalamati ngini, ekola duru kaimodopongono mangale woihenua nia böaka.

²Karana niadorou done Unanga woihenua maöraha ngini nimaniata Unangika. Hagala niabaradoha inihikitingaka ngini de ma Jou Madutu.

³Ngini niahowono karana nieluku deʼ nidiai irikotua karana niamanarama niadiai iputurungu deʼ nitoma.

⁴Ngini niao operekara koiwa matiti deʼ nia juruhakimi de iadilua. Ngininieluku deʼ ningaku ipoparahaja; ngini nidiai odatoro mangale niahibodito onyawa mahomoa de niamanarama itotorou.

⁵Hagala niadatoro madodorou inigao ohonenge hokä ododiha ibiha-biha magohi. Nako ogohi gënanga itutuku, ihupu ododiha. Odatoro gënanga kamamoiuku ibaragunaua nginika, hokä o pakeanga yadiai oarara maigutino!

⁷ Ngini kasalalu nihidatoro itotorou, deʼ nionahihu itaiti niadiai. Nidodatoua ngini niatoma onyawa yahowo-howonua. Kiaikadika ngininioiki, ngininiamal̄aika ikilianga deʼ obinaha.

⁸Ngininihidailakoua ohininga moi, deʼ mata-mata niamanarama iadilua. Niangekomo ikokiloliti, deʼ o nyawa yanïki o ngekomo gënanga ahayoutumua.

⁹O hoana de oberera gënanga yotemo ma Jou Madutuika, ”Oraha nënanga ngomi mihiöriki yadodoa Ngona nomihihalamatua ngomi hagala onyawa imituku-tukuino ngomi. Ngomi miodama o dararono, mä duga-duga naga ohuhutu.

¹⁰Ngomi mimahi hohabal̄anga hokä onyawa yopilo-piloko; owange ikokoronauku ngomi mipeleke hokä o hutu gogoronaika; onyawa yowango-wango manga hidogoronaka ngomi hokä o nyawa yohone-honenge.

¹¹Ngomi mihawana deʼ miahininga ihuha; ngomi mialingiri oadili, mä koiwa; ngomi mionganono ohalamati, mä kaparahaja.

¹²Igoungu mangöe tongomi miadorou Ngonaika; hagala tongomi miabaradoha imihi howono ngomi. Ngomi igou-goungu miamao tongomi miadorou, deʼ mihioriki hagala tongomi miabaradoha.

¹³Ngomi misatiaokaua deʼ mimalawani ma Jouika, deʼ mioluku miwinïki tongomi mia Jou Madutu. Ngomi miatukuoka onyawa mahomoa deʼ miamotekokaua; tongomi miapikiranga irehenoka, deʼ tongomi miademo-demo kai eluku.

¹⁴Otita iadi-adili mioditokoka, deʼ oadili mihikurutika. Irö riko-rikoto miolegaikaua hagala onyawa yowöe-wöe manga ngïoka, deʼ ohininga iriko-rikoto mihirehenoka.

¹⁵Koiwali onyawa yorö riko-rikoto, deʼ onagona imahi kurutika odorou, ünanga mahirete idadi aidorou wohibodito.” Ma Jou wamakeoka, deʼ Unanga wosanangi oadili.

¹⁶ Unanga woheranga koiwa yotagi manga himangiha deʼ koiwa imademo. Done Unanga wapake Aikuaha mahirete mangale wahihalamati deʼ wahidöaka önanga outumu.

¹⁷ Unanga wapake oadili deʼ o halamati hokä obehi deʼ osapeo owaja. Unanga womau mangale wohigilio öraha nanaga deʼ wabalahi iadi-adilua.

¹⁸Unanga wabalahi aihaturu-haturu imamoteke de toönanga mangamanarama. Ikali ohoana de oberera onünuhoka magogurutika yootanua de Aihukumanga.

¹⁹Aikuaha deʼ Aimulia ahayomodongo mata-mata onyawa owange mahiwaroko de yaihihiädono owange madumuniha. Unanga ahawoboa hokä ongairi ihahuru makuata yalolopaka ohidal̄oko ikua-kuata.

²⁰ Ma Jou watemo Aiumatika, ”Ngohi ahatoboa o Yerusalemika mangale Tinihihalamati ngini mata-mata nimatö toba-toba hagala niabaradohaino.

²¹Ngohi todiai ojaji dede ngini: Ngini Tinihidöaka Ahikuaha deʼ Ahidodotoko mangale kahiado-adonika. Niadotoko niangoha-ngohaka hupaya önanga yakunu yädotoko hagala manga difauku oöraha nënanga hiädono kahiado-adonika.”