Read Tobelo O YESAYA 65 Bible Online

O YESAYA 65 - Tobelo bible

O YESAYA 65

¹ Ma Jou wotemo, ”Ngohi katomahi dodiai tabaluhu Aniumati, mä önanga imaniatua Ngohino. Ngohi katototamä mangale önanga ihimake Ngohi, mä önanga ihilingirua Ngohi. Ohoana de oberera gënanga ihiahokua Ngohi, ngaroka Ngohi katomahi dodama Tabaluhu: Nenanga Ngohi!

² Ngohi salalu katomahi dodiai tatarima Ahiumati, mä önanga yoigo imalawani. O hoana de oberera gënanga yodiai itotorou deʼ yanïki manga datoro mahirete.

³Onanga hokogenangika ihidiai Ngohitongamo karana ihihuba ohuhuba o dumule-dumuleoka mangale ogiki-gikiri deʼ yotuhuku omanyanyi hagala ohuhuba mangïoka.

⁴Maöraha ohutu-hutu önanga yoiki oaru-arukika deʼ ojereika mangale yogahoko onasihati onyawa yohone-honenge manga jiwaika. Onanga yol̄omo o ode maakeme deʼ yaokere o hiode ma akeme mateongo ihoharamu.

⁵Onanga yotemo, ’Nioiki nimakokurutika, uha nimïtigi ngomi hababu mitebini de homakitingakika dede ngini!ʼ Ngohi tapoaua tamake toönanga makalakuanga! Ahigangamo onangika hokä ouku komamoiuahi ihonenge.

⁶Toönanga manga hukumanga itulihoka Ahihimangoka. I goungu, Ngohi ahatoridiua. Ngohi ahatabalahi toönanga manga dorou

⁷karana toönanga mangabaradoha deʼ mangaete de mangatohora mangabaradoha. Onanga ihihikauku Ngohi de yotuhuku omanyanyi mangale ogiki-gikiri yapuji-puji mangïoka odoporonoka. Ngohi aha tabalahi onangika imamoteke de toönanga mangamanarama öraha ipaha-paha.”

⁸Ma Jou wotemo, ”O angguru mahohoko kanagahi mateongo iumoua, mä ihidadi oangguru mateongo. Hoko gënanga oAhihoana aha Tabinahaua mata-matauku, hababu toönanga mangahidogoronaka kanagahi imahigilaongo Ngohino.

⁹Manga ngöe o Israeloka manyawa o Yehuda aihoanino ahaTahi barakati, deʼ toönanga manga difauku ahaimahitoönanga otonaka de mal̄oku mabuturungu. Hagala Ahingongiriki manyawa imahi gogilaongo Ngohino ahayogogere dokengoka.

¹⁰ Ahiumati ahaihihuba Ngohi; toönanga mangaduba deʼ mangahapi ahaihi ol̄omo o Saron matonaka i Rata-rataka deʼ o Akhor ma Waioka.

¹¹Mä hokogenangua manga wowango hagala onyawa ihi mal̄a-mal̄a Ngohi, yahaduliua o Sion, Ahidoporono itebi-tebini, ihihuba-huba oinomo o Gad deʼ o Meni, outumu deʼ owowango magiki-gikiri.

¹²Ngini mata-mata aha nihonenge hokä ohuhuba de mabuturungu. Hababu, maöraha Ngohi tinïahoko, ngini nihaluhua, de maöraha Ngohi tinïtemo-temo, ngini niihenua. Nginiiholoi nioigo nihilawani Ngohi deʼ niadiai itotorou.

¹³Igou-goungu, onyawa ihihö huba-huba Ngohi ahayol̄omo, enahioko ngini inihahini. Onanga ahayokere, enahioko ngini niakiriti madudungu. Onanga ahayomorene, enahioko ngini niamake o mal̄eke.

¹⁴Igou-goungu, önanga aha yomorene imä uli-ulili, enahioko ngini niari de nia hininga yohiri.

¹⁵Hagala Ahingongiriki manyawa ahayapake niaromanga hokä ololai: ’Tanu ma Jou Duru wokoKurutil̄e winïtoma ngini hokä önanga!ʼ Mä onyawa ihihi ngou-ngounu Ngohino aha tahidöaka o romanga mahungi.

¹⁶Moi-moi onyawa obereraka gënanga yogö gaho-gahoko obarakati, aha yogahoko wahibarakati ma Jou Madutu wososatia. Moi-moi onyawa yomau yokoboto, aha yo koboto de ma Jou Madutu wososatia Airomanga. Hababu ohangihara ihira-hira ihihangoka deʼ yawohangoka.”

¹⁷ Ma Jou wotemo, ”Ngohi ahatodiai odihanga mahungi deʼ o dunia mahungi. I dödadadi mahiraino ahayawohanga deʼ yohiningaokauaoli.

¹⁸Nimagarago deʼ nimorene mangale kahiado-adonika karana okia Tohidö dadadi. Ngohi tohidadi o Yerusalem mahungi iomanga ogarago, deʼ manyawa duru yomorene.

¹⁹ Ngohi mahirete ahatomagarago karana o Yerusalem, deʼ tomorene karana manyawa. Okotaka gënanga koiwaka o gari, deʼ koiwa oböaka yogahoko ororiwo.

²⁰Aingoha-ngohaka koiwa yohonenge maöraha manga etetekohi, deʼ onyawa yobalu-baluhu ahayadono oumuru magurutu. Onyawa manga umuru otaongo o ratuhu moi ahayapulono hokaima göikahi, deʼ yohonenge kowahi de gënanga yapulono yakorona Ahi hukumanga.

²¹O nyawa ahaihigoko otau deʼ yogogere mahirete; o nyawa mahomoa ahayogogerua. Onanga ahayodatomo oangguru madumule deʼ yajame maangguru mateongo; o nyawa mahomoa ahayaokerua. Ahiumati ahamanga umuru ikurutu hokä ogota mautu, deʼ toönanga mangakarajanga mahasili.

²³Mata-mata önanga yadodiai aha ihasili, deʼ toönanga mangangoha-ngohaka ahakai todokaninoua yohonenge. Onanga deʼ toönanga mangadifauku aha Tahibarakati mangale kahiado-adonika.

²⁴Onanga yogahokuahi, Ngohitohaluhoka; önanga imaniata ibotuahi Ngohi tatarimaka Toönanga manga niata.

²⁵ O serigala deʼ oduba mangohaka imakinïki iol̄omo omomo; osinga iol̄omo o gandum maröehe madoolenge hokä ohapi, deʼ ododiha ibahayaokauaoli. Ahidoporono itebi-tebini ingodumu, koiwakaoli yahirugi ekola yadiai odorou.”