Read Tobelo O YEREMIA 1 Bible Online

O YEREMIA 1 - Tobelo bible

O YEREMIA 1

¹O buku nënanga madol̄a o Yeremia o Hilkia aingohaka aidemo-demo, o imam womatengo o Anatot makotaino o Benyamin aidaeraka.

² Ma Jou wïtemo o Yeremiaika o taongo ngimoi demahangeoka o Yosia o Amos aingohaka o Yehuda ma koano aipopareta.

³ Genanga de iböto ma Jou wïtemoli unangika wohigali-gali, imulaenge o Yoyakim o Yosia aingohaka aipopareta ma orahoka hiädono o taongo ngimoi de mamoioka o Zedikia o Yosia aingohaka ai popareta. O mede mamotoaka o taongo genangoli yogö gogere o yerusalem yätoraka o tabuangika.

⁴Ma Jou wohitemo ngohino,

⁵”Ngohi tonitükuwahi ngona ngoni ayo ami mamata magoronaka, deʼ konomakil̄auahi, Ngohi toni irikoka ngona deʼ tonigorakoka ngona la nodadi hagala o hoana deo berera manga nabi.”

⁶Ngohi tohaluhu, ”Ya Jou Duru Nokö kurutil̄e, ngohi tosawaroua totemo-temo karana ngohi duru kao gikiri magöohi.”

⁷Mä ma Jou wohaluhu, ”Uha notemo ngona kaogikiri magöohi. Nako ngohi tonihuloko ngona o nagonaika dika, ngona kokiani noiki, deʼ mata-mata tonihö hulo-huloko ngona nahetongo, kokiani ngona nohiädono onangika.

⁸Uha namodongo onangika, hababu Ngohi aha tonitomoteke ngona mangale tonï goana ngona. Ngohi, ma Jou, totemoka!”

⁹Genanga de iböto ma Jou Aigiama itoakika, deʼ wapal̄anga ahiuru de wotemo, ”Noihene deʼ nohingahu o demo-demo Tahö heto-hetongo nënanga.

¹⁰O wange nënanga Ngohi tonihidöaka ngonaika näkuaha hagala o hoana deo berera deʼ hagala o kokoano manga popareta — o kuaha mangale naruba deʼ nakilianga, naluluiha deʼ nabinaha, nohigoko deʼ nodatomo.”

¹¹Ma Jou wohileha ngohino, ”Yeremia, okia ngona namake?” Ngohi tohaluhu, ”O niara magota mautu majaga, Jou.”

¹²”Itiai,” ma Jou wato, ”Ngohi togoana hupaya mata-mata Taheto-hetongo idadi inyata.”

¹³Daha ma Jou wohilehali ngohino, ”Okiaoli ngona namake?” Ngohi tohaluhu, ”O koremieuku idaduoka ngohi tamake o bohoko madol̄a magogiria ituhara deʼ ngadeke imotumu yameta nenangino.”

¹⁴Ma Jou wato, ”O koremieil̄e o bodito aha ihebulu deʼ yäbänga mata-mata yogögogere o berera nënanga.

¹⁵Ngohi aha tähuloko o hoana deo berera mata-mata o koremieuku idaduoka yoboa la yakuaha o Yerusalem. Hagala mabebeno o mehele yakilolitino o kota nënanga inoli hagala mangorana ilölago-agomo deʼ mata-mata o kota o Yehuda madaeraka aha önanga yaora.

¹⁶Ngohi aha tähukumu Ahi umati, karana önanga yobaradoha deʼ Ngohi ihiporete. Onanga ihihubaka o huhuba hagala o gikiri mahomoaika, deʼ yodiai hagala o dulada ikali yahuba.

¹⁷Nomahidiaino, Yeremia! Noiki deʼ nahiädono onangika, mata-mata Tohipopareta ngonaika. Uha nämodongo onangika, hupaya ngona uha Tadiai iholoioli nohawana nako nimateke rihimangino dede önanga.

¹⁸Noihene! Ngona aha inilawani yogögogere o berera nënanga, enagënanga o Yehuda ma kokoano, o popareta mapopegawe, o imam-imam deʼ o kawaha. Mä o wange nënanga Ngohi tonihidöaka o kuata ngonaika la nälawani önanga. Ngona aha nodadi hokä o kota demabebeno o mehele, hokä o liate o behi deʼ o bebeno o tabaga. Onanga aha koini utumua ngona, hababu Ngohi aha tonitomoteke deʼ tonïgoana ngona. Ngohi, ma Jou, totemoka.”