Read Tobelo O YEREMIA 23 Bible Online

O YEREMIA 23 - Tobelo bible

O YEREMIA 23

¹Ma Jou o Israeloka manga Jou Madutu wotemo, ”Nibodito ngini hei o tutuda-tutuda niabobinaha deʼ nia hikokitingakika Ahi umati! Ngini kokiani niapaliara Ahi umati, mä ngini niadiaiua; ngini nia mal̄aika yokerewoto deʼ yopiringana. Oraha nënanga Ngohi aha tinï hukumu ngini karana nia dorou.

³Mä Ahi umati mahou-hou aha Tatoomu hagala o bereraino mangï önanga Taumo. Onanga aha Ta ao Tähigilio toönanga manga tonaka de manga berera madutuika deʼ toönanga manga difauku aha yodogo yowöe.

⁴Ngohi aha tägoraka manga tutuda la yäpaliara önanga. Ahi umati aha yohawanokaua ekola yohahara; kao nyawa moiö makoiwa yohihanga. Ngohi, ma Jou, totemoka.”

⁵ Ma Jou wato, ”Aha iboa maoraha, Ngohi Tïgoraka o koano womatengo wo adi-adili o Daud aidifauku. O koano gënanga aha wopareta de ai barija, deʼ wadiai okianaga i adi-adili deʼ i tiai o berera yamode-modekika.

⁶Nako maoraha ünanga wopareta, o Yehuda manyawa aha yohalamati, deʼ o Israel manyawa aha yowango de manga sanangi. Ma koano gënanga aha iwihetongo ’ma Jou Tongone nanga Halamati’.

⁷Aha iboa maoraha, o nyawa yokobotokaua mangale Ngohi, o Jou Madutu towango-wango, taao-ao o Israeloka o Mesir mabereraka de yohupu,

⁸duga-duga mangale Ngohi, o Jou Madutu towango-wango, Tä ao-ao o Israeloka yohupu o berera moino o koremieil̄e, deʼ mata-mata o berera mahomoaino kiaka önanga tahikokitingakoka. Onanga aha yogogere toönanga manga tonaka de manga bereraka mahirete.”

⁹Nenanga ahi behehongo mangale o nabi-nabi: Ahihininga i wedere deʼ ngohi tohahara. Ma Jou deʼ Ai demo itebi-tebini yadiai ngohi hokä o nyawa yädalu-daluku ilamoko holi yokere o angguru.

¹⁰Nanga berera iomanga deo nyawa yososatiaua ma Jouika. Onanga yowango itorou deʼ yapake ihowono toönanga manga kuaha. Karana ma Jou Ai lolai, o momo o tonaka malua-luasoka i toolenge deʼ o berera yamode-modekika iduka.

¹¹Ma Jou wato, ”O nabi deʼ o imam yoluku ihingounu Ngohino. Maboboloi Ahi Tauoka Ngohi tamakeoka önanga yodiai o dorou.

¹²Hababu gënanga, toönanga manga ngekomo aha ipaakoro deʼ ihuhutu, hiadono önanga yopeleke deʼ yoruba. Ngohi aha tadotagao o boditi onanguku, nako maoraha yadonoka mangale Tahukumu önanga. Ngohi, ma Jou, totemoka.

¹³O Samaria ma nabi-nabi manga baradoha Ngohi tamakeoka. Onanga yotemo-temo deo Baal maromanga, deʼ yaao Ahi umati o Israeloka o ngekomo ihowo-howonika.

¹⁴ Mä o Yerusalem mabereraka Ngohi tamake o mabi-nabi yodiai iholoi itorouoli. Onanga yoeluku deʼ yohowono, inoli yahikuata o nyawa yodiai o dorou, hiädono kao nyawa moiö ma yoluku yotoba. Mangale Ngohino mata-mata önanga itorou hokä o Sodom de o Gomora yogögogere.”

¹⁵Ma Jou Duru Wokokuaha wotemo, ”Aha Tahidöaka o nabi-nabika o Yerusalem mabereraka gënanga yadödato-datomo mamali-mali la yaol̄omo deʼ o rasongo la yaokere, hababu önanga yodadioka o hababu hagala o nyawa o berera yamode-modekika ihihoromatiua Ngohi.”

¹⁶O Yerusalem yagögogere, ma Jou Duru Wokokuaha watemo, ”Uha nihigihene o nabi-nabi manga demo duga-duga salalu ihidöaka o ngonganono ihohomoa. Onanga duga-duga ihiadono toönanga manga hayali mahirete deʼ ko Ahi behehongua.

¹⁷Hagala o nyawaika yolu-oluku ihigihene Ahi demo-demo önanga salalu yätemo, ’Ngini aha nihalamati.’ deʼ moi-moi o nyawa manga häeke itotogowinika, önanga yatemo, ’Ngona aha konamakeua o bodito.’ ”

¹⁸Ngohi totemo, ”Moiua o nabi-nabino gënanga ihioriki okianaga igogonika ma Jou Ai dibanga magoronaka. Moiua onangino mamoi iböto yoihene deʼ yomangarati hagala Ai datoro watatatoro; moiuaoli yöhohininga ekola yolegaika Ai demo-demo.

¹⁹Ma Jou Ai dohata hokä o hidal̄oko o rato ingamo-ngamo deʼ yädubuku hagala o nyawa madorou.

²⁰Ai dohata aha koihihangua ihira de idadi okianaga Wo dato-datoroka. O wange maduruino ma Jou Ai umati aha yomangarati o hali gënanga dema dodiai.”

²¹Ma Jou wato, ”Duru yämagawe o nabi-nabi gënanga, enahioko önanga Tahulokua. De tongohi Ahi romanga önanga ihiadono o behehongo, enahioko koiwa naga o behehongo Tahidöaka onangika.

²²O demo ma ade önanga ihioriki okianaga igogonika Ahi dibanga magoronaka, maraioka önanga ihiadono Ahi umatika hagala taheto-hetongoka. Done Ahi umati aha yotoba de o baradoha deʼ manga kalakuanga itotorouino.

²³Ngohi ma Jou Madutu kiakadika Ngohi naga kao ngï moiokaua dika.

²⁴Ka o nyawa moiö ma yakunua yaiunu manga diri Ahi lolegaka, hababu Ngohi naga kiaka dika: o horogaka deʼ o duniaka.

²⁵Mata-mata yahö heto-hetongo o nabi-nabi gënanga Ngohi to hiorikoka. De tongohi Ahi romanga önanga yoeluku bari Ahi behehongo önanga yatarimaka o nanere magoronaka.

²⁶Hiädono muruonoka o nabi-nabi gënanga yomau Ahi umati yä ao o ngekomo ihowo-howonika de toönanga manga abari yadodiai mahirete?

²⁷Onanga imapikiri de o nanere-nanere önanga ihi jojarita gënanga, Ahi umati yakunu ihi wohanga hokä toönanga manga ete de manga tohora ihi wohanga Ngohi deʼ yahuba o Baal.

²⁸O nabi yonänanere kokiani yotemo, ’Nenanga duga-duga o nanere.’ Mä o nabi yamö make-make o behehongo Ngohino kokiani ihiadono o behehongo gënanga dema diai. O gandum yakunua ihitero de o gandum maroehe madoolenge.

²⁹Ahi demo hokä o uku, deʼ o tataka yawö wede-wedere o helewo!

³⁰Ngohi aha tälawani o nabi-nabi ihiado-adono o behehongo manga dodiawono, daha yahetongo bari gënanga o behehongo Ngohioka.

³¹Ngohiö tälawani o nabi-nabi ihiado-adono manga demo-demo mahirete, daha yahetongo gënanga Ngohioka.

³²Ngohi, ma Jou, aha tälawani hagala manga nanere gënanga iomanga deo tengeluku. Onanga yomau Ahi umati yaao o ngekomo i howo-howonika de toönanga manga tengeluku deʼ manga ade-ade ihihohomoa. Ngohi tahulokua o nabi-nabi gënanga. Onanga hakali-kali yobaragunaua mangale Ahi umati. Ngohi, ma Jou totemoka.”

³³Ma Jou wohitemo, ”Yeremia, nako womatengo ani Ahi umatino, ekola womatengo ma nabi ekola ma imam inileha ngonaika, ’Okia ma Jou Ai behehongo?ʼ Ngona kokiani nohaluhu, ’Ngona ganga ma Jou Ai gina; hababu gënanga ngona aha Woniumo.’

³⁴Nako womatengo Ahi umatino ekola ma nabi ekola ma imam kayo temo-temohi mangale ’ma Jou Ai gina’, done ünanga de ai tau manyawa aha Tähukumu.

³⁵Iidulu yaino, moi-moi o nyawa kokiani yaleha manga dodiawoika deʼ manga tau manyawaika, ’Okia mabobaluhu ma Jouino?ʼ ekola ’Okia wahetongo ma Jou?ʼ

³⁶Onanga yakunokaua yapake mademo ’ma Jou Ai gina’. Nako naga kayapakeohi o demo gënanga, done ngohi aha tadiai Ahi behehongo igou-goungu o gina mangale ünanga. O nyawa yaheto-hetongo ’ma Jou Ai gina’ duga-duga yatakaidulu Ahi demo, toönanga manga Jou Madutu, ma Jou Madutu wowango-wango, ma Jou Duru Tokokuaha.

³⁷Onanga duga-duga yakunu yahetongo o nabi-nabi ika, ’Okia ma Jou Ai bobaluhu ngonaika? Okia wahetongo ma Jou?ʼ

³⁸Nako naga ihingounua Ahi paretaika gënanga, deʼ kayapakeohi o demo ’ma Jou Ai gina’,

³⁹done Ngohi aha tägoraka önanga, deʼ tahikaweli önanga takö kurutika, kayaoa önanga kayaoa o kota Tahidoa-doakoka unangika deʼ manga ete de manga tohoraika.

⁴⁰Ngohi aha tadiai önanga yämal̄eke deʼ okiaua yädaene kahiado-adonika de toönanga manga nasib gënanga aha o nyawa koyawohangua.”