Read Tobelo O YEREMIA 47 Bible Online

O YEREMIA 47 - Tobelo bible

O YEREMIA 47

¹ O Mesir ma koano waparangiuahi o Gaza, ma Jou wohitemo ngohino mangale o Filistin maberera.

²Ma Jou wato, ”Namake, o akere ihahuru o koremieil̄e deʼ ihebulu hokä o ngairi magogiria inguihi yaolu o berera inoli o berera madol̄a, hagala o kota kamamoi dema nyawa yogögogere. O nyawa aha yopöaka yogahoko o roriwo deʼ yongodumu o kawaha yododora.

³Onanga aha yoihene o kuda madibingi, deʼ o kereta maroda makarau. O dimono aha idadi yäbole deʼ yapikirokaua manga ngohaka.

⁴Maoraha yadonoka o Filistin manyawa yabinaha mata-mata, hiädono o Tirus deʼ o Sidon yamakeua o bobatumu. Ngohi, ma Jou, aha Täbinaha o Filistin manyawa mata-mata mahou-houohi o Kreta mabereraino.

⁵O Gaza manyawa yatapal̄u o huha ma amoko; o Askelon manyawa imamouoka. Hiädono muruonoka o Filistin manyawa mahou-houohi kahokogenangika yoduka?

⁶Ngini nipöaka, ’Hiädono muruonoka ngona noparangi, hei ma Jou Ai oworo? Nohigilio maharumuku deno gögogere dokengoka nomarirïdi!ʼ

⁷Mä kayakunu ngona nomarirïdi, nako ngohi toni hiparetaka la naparangi o Askelon deʼ yogögogere o dowongi madatekino?”