Read Tobelo O RATAPAN 5 Bible Online

O RATAPAN 5 - Tobelo bible

O RATAPAN 5

¹Nohininga, ya Jou, okia idödadadi ngomiuku. Nomi pulono ngomi, deʼ nolega tongomi miadorou.

²Tongomi mia arata mia popuhaka iotaka o nyawa mahomoa manga giama mahoatika, hagala tongomi mia tau yogogere o nyawa maporetino.

³Tongomi mia ama iwi tomaka o haturu oraha nënanga tongomi mia ayo mofao deʼ ngomi migohihi.

⁴O akere mia oke-okere deʼ o gota mimahi dofo-dofo kiani ngomi miija.

⁵Hokä o aiwani, ngomi inipakisa mikarajanga madodubuho, ngomi imïbole, mä imihidöakua o öraha mimahibatongo.

⁶Ngomi mioiki migaho-gahoko o Mesirika, ngomi migahoko o inomo o Asyurika.

⁷Tongomi mia ete de mia tohora yobaradoha, öraha nënanga önanga koyäiwaka; mä ngomi kiani miatagongo o hangihara, karana toönanga manga baradoha.

⁸Ngomi imipareta hagala o nyawa yoholoiua de o gilaongo; koö iwa-iwa manga kuaha imihipidili ngomi onangino.

⁹O kota maporetoka, yotoma-toma imahikabarihi; tongomi mia jiwa yädaene o huha maoraha mimälingiri o inomo.

¹⁰Ngomi mihihangihara o habirokata, hiädono tongomi mia kai mahauku hokä o uku.

¹¹O ngongoheka o Sionoka yäpakisa, o momoholehe yänoda o Yehuda makapo-kapongoka.

¹²Tongomi miatutuda-tutuda yatagoko de yalikouku, tongomi miadimo-dimono yahoromatiokauaoli.

¹³Tongomi miagogoduru yapakisa yokarajanga o gulingaka, o ngoha-ngohaka o nauru yatukuku o momoku o gota hiädono yokiditoko.

¹⁴O nyawa yobalu-baluhu ima toomuokauaoli o kota mangorana ma amo-amokoka, o musik hoihenokauaoli o nyawa yogögö manga hidogoronaka.

¹⁵Ihihangoka tongomi miautumu; miahol̄a de miaselo ingalioka idadi o duka.

¹⁶Ngomi mihiö amo-amoko koiwaka, ngomi mibodito karana mibaradohaka.

¹⁷O Sion mal̄oku kai rïdika deʼ yamal̄aika; dokengoka o kaho o honganika imahigerewoto. Karana gënanga tongomi miahininga iwede-wederuku, ngomi miari hiädono tongomi mialolega idadi itararonokaua.

¹⁹Mä Ngona, ya Jou, kahirahi nokuaha, Ngona nopareta kahiado-adonika.

²⁰Kiaka yakunu nomimal̄aika ngomi hoko gënanga madekana? Kaiyakunu nomi wohanga ngomi o öraha magurutu?

²¹Ya Jou, nomiao ngomi nomi higilio Ngonaika; ngomi aha mimakilioro Ngonaika! Nohigilio tongomi miawowango hokä mahira.

²²Ekola nomi umooka ngomi kamamoiuku? Koiwa mabatingi Ani dohata ngomino?