Read Tobelo O YEHEZKIEL 10 Bible Online

O YEHEZKIEL 10 - Tobelo bible

O YEHEZKIEL 10

¹ Daha ngohi tapulono o tatanguika naga hagala o dodadi o horogaino deʼ ma gogahuhuoka mahaëke mal̄okuoka gënanga, deʼ tamake okianaga moi hokä o pareta makuruhi o nilam mahelewoino.

² Ipaha ma Jou Madutu wätemo o nyawa imahi popakeangika o lenan gënanga, ”Niwohama hagala o lululu magoronaika hagala o dodadi o horogaino deʼ ma gogahuhuoka naga matimioka, deʼ nal̄ë o uku mangaboho o bokoto moi. Daha nohi barahi ouku mangaboho gënanga okota mal̄okuino.” Enanga yatomoteke, deʼ ngohi tatotailako.

³Maöraha enanga iwohama, hagala o dodadi o horogaino de magogahuhuoka gënanga magogiria ima okoino ma Jou Ai Tau o koreharail̄e idaduoka. Olobi okapupu moi yaomanga o loa doka magoronaka deʼ ma Jou Ai Tau yamode-modekika.

⁴Osahaya iloleletongo ihi nonako ma Jou Ai boa ihoropu hagala ododadi o horogaino deʼ magogahuhuoka gënanga imatururu ma Jou Ai Tau mangorana howoha-wohamika, hiädono malooa duru kohamodararono.

⁵Mailingi imahipopoka magahuhu ododadi o horogaino deʼ ma gogahuhuoka gënanga hoihene hiädono o looa maporetika, hokä ma Jou Madutu Duru wo Kokuaha ai ilingi.

⁶Ma Jou wihuloko ibötino o nyawa womahi popakeanguku o lenan gënanga wal̄ë o uku mangaboho o bokoto moi o lululu-lululu magoronaino hagala ododadi o horogaino deʼ magogahuhuoka ma timiuku gënanga, o nyawa wowohama deʼ womaokoino hagala o lululu gënanga madatekoka.

⁷Daha moi ododadi o horogaino deʼ magogahuhuoka gënanga ihi ngohama magiama o uku magoronaika naga toönanga manga hidogoronaka, yatoraka o uku mangaboho o dobiki muruononaga, deʼ iwihidöaka o nyawa womahi popakeanguku o lenan gënanga. O nyawa gënanga watarima daha woiki.

⁸Ngohi tamake o dodadi o horogaino deʼ magogahuhuoka magahuhu yogetongo matimioka naga okianaga moi madüku o nyawa magiama.

⁹ Ngohi tamake o dodadi o horogaino deʼ magogahuhuoka moi-moi toenanga moi malululu madatekoka. Olululu iata gënanga marupa kamoi, deʼ mameletongo hokä o intan deʼ o folori mahohailoa. Moi-moi toenanga moi malululu mahomoa itukurino mahi dodogoronaka.

¹¹De hokogenanga hagala ododadi o horogaino deʼ magogahuhuoka-gënanga yakunu yodumutu mameta iatika. Onanga yakunu yoiki okiaika dika önanga manga mau, yalolitua manga roëhe.

¹² Toönanga manga roëhe ingodumu, manga porete, manga giama, manga gahuhu deʼ o lululuö iomanga deʼ o lako.

¹³Ngohi toihene hagala o lululu gënanga yahetongo ö hidal̄oko mangutuku.”

¹⁴ Ododadi deʼ magogahuhuoka yogetongo gënanga toenanga mabiono iata imakokohowono. Mabiono madodihiraka enagenanga o banten mabiono, mahinotoka o nyawa mabiono, mahangeoka o singa mabiono, deʼ maiatoka o rajawali mabiono.

¹⁵Mangale ododadi deʼ magogahuhuoka gënanga mahira tamö make-make o Kebar ma Ngairi madatekoka. Mahi getongo-getongo hagala ododadi deʼ magogahuhuoka gënanga ima kelu ekola yarefe ma gahuhu, idoa o ngawa-ngawail̄e deʼ itagi mahimangika ekola ima togumu, hagala o lululu gënanga salalu yanïki, karana yakuaha mangale hagala ododadi deʼ magogahuhuoka gënanga.

¹⁸Daha sahaya maloleletongo ihinonako ma Jou Ai boa yamal̄a ma Jou Ai Tau mangorana hongoha-ngohama deʼ imatururu yakail̄e hagala ododadi deʼ magogahuhuoka gënanga.

¹⁹Ngohi tamake hagala ododadi deʼ magogahuhuoka gënanga yarefe magahuhu deʼ ihoho yamal̄a o tonaka daha ioiki, deʼ hagala o lululu yanïki. Daha enanga imatogumu ma Jou Ai Tau mangorana ma amo-amoko madatekoka o wange mahiwaroko idaduoka, hoʼ deʼ o sahaya iloleletongo kahirahi toenanga mal̄okuoka.

²⁰Hagala ododadi deʼ magogahuhuoka gënanga mahira tamö make-make naga o Israeloka manga Jou Madutu Ai timioka, o Kebar ma Ngairi madatekoka.

²¹Hagala ododadi deʼ magogahuhuoka gënanga moi-moi toenanga mabiono iata, magahuhu o habi hinoto, deʼ okianaga moi hokä o nyawa magiama hagala magahuhu gënanga matimioka.

²²Toenanga mabiono orupa moioli deʼ hagala ododadi deʼ magogahuhuoka mabiono tamömake-make o Kebar ma Ngairi madatekoka. Moi-moi itagi iriko-rikoto mahimangika.