Read Tobelo O YEHEZKIEL 15 Bible Online

O YEHEZKIEL 15 - Tobelo bible

O YEHEZKIEL 15

¹Ma Jou wohi temo ngohino,

²”Hei o nyawa nokokakaliua, boteka o angguru magota iholoi yaika deʼ o gota mahomoa o honganoka? Boteka iholoi yaoa o angguru mautu deʼ hagala o gota mautu o honganoka?

³Yakunu magota yapake mangale yadiai okianaga moi? Yakunu yadiai o nunune mangale ihi lakete o pakakaha?

⁴Koiwa mabaraguna mahomoa deʼ gënanga yadiai o gota ihi dofo-dofo. De nako mabarene hinoto yamataka youku, deʼ mahidoku magoronainö idadi o koru, kanagahi mabaraguna?

⁵Koiwa! Kayoukuahi mayakunua ihipake. Okia hongoli yatuhukoka deʼ o uku youkuoka!”

⁶Hababu gënanga o Jou Duru woko Kurutil̄e wotemo, ”Hokä o angguru magota mautu yal̄e o honganino deʼ yatuhuku, hokogenangö aha Tadiai o Yerusalem madol̄a!

⁷Ngohi aha Tähukumu önanga. Ngaroka önanga yolapahioka o ukuino, mä o uku aha yabinaha önanga. Done nihi öriki Ngohi ma Jou.

⁸Onanga yosetiaua Ngohino, hababu gënanga, o tonaka gënanga Tadiai itoongoro. Ngohi o Jou Duru Tokokurutil̄e totemoka.”