Read Tobelo O YEHEZKIEL 44 Bible Online

O YEHEZKIEL 44 - Tobelo bible

O YEHEZKIEL 44

¹Ipaha o nauru gënanga wohitudali ngohi o ngorana ma amo-amoko maporetika o wange mahiwaroko idaduoka ma Jou Ai Tau magilolitino. O ngorana ma amo-amoko gënanga ibenoino,

²ma Jou wohitemo ngohino, ”O ngorana ma amo-amoko nënanga kiani kahirahi ibenoino de yakunua yahelenga. Kaimatengö mayakunua yongohama, hababu Ngohi, o Jou o Israeloka manga Jou Madutu, towohamoka Ahi Tauika tanonu o ngorana ma amo-amoko nënanga. Ho, o ngorana ma amo-amoko nënanga kiani kahirahi ibenoino.

³Ma yokokuaha yopopareta yakunu yöiki o ngorana ma amo-amokika gënanga mangale yol̄omo o inomo itebi-tebini Ahi himangoka. Unanga kiani wowohama wanonu o kamari ma ago-agomo de wolio wanonu o ngekomo genangoli.”

⁴Ipaha o nauru gënanga wohiao ngohi o ngorana ma amo-amokika o koremieuku imarihimangino deʼ ma Jou Ai Tau. Ngohi tatailako tohidodiai, deʼ ngohi tamake ma Jou Ai Tau gënanga yahawoino o sahaya maloleletongo ihinonako ma Jou Ai boa. Daha ngohi tarubauku ahi diri deʼ tatilabukuku,

⁵deʼ ma Jou wohitemo ngohino, ”Hei o nyawa nokokakaliua, nohininga nohidodiai okia namomake-make deʼ noö ihe-ihene. Ngohi aha tonihingahu ngonaika hagala o datoro deʼ o tita yakorona Ahi Tau nënanga. Natulihi nohidodiai onagona honanga yahigumal̄a yongohama Ahi Tau de onagona honanga yaduhunu.

⁶Nahetongo o Israel ma umatika yoö igo-igo imalawani gënanga Ngohi, o Jou Duru toko Kurutil̄e, tolukokaoli Tamal̄aika önanga yodiai o peseke.

⁷Onanga yapesekoka Ahi Tau, hababu o huhuba o haki de o awunu magogiria ihihuba Ngohino, önanga yahigumal̄a yowohama magoronaika hagala o nyawa maporetino ima huna-hunaua, de ihihï ngounua Ngohi. De hagala manga manarama toönanga haö emo-emono gënanga, önanga yatilakuroka Ahi jaji dede önanga.

⁸Onangua mahirete yodiai hagala o upacara itebi-tebini Ahi Tau magoronaka, mä hagala o nyawa maporetino önanga yahimanarama mangale yadiai.

⁹Ngohi, o Jou Duru toko Kurutil̄e, tohingahu o nyawa maporetino ima huna-hunaua de o nyawa ihihi ngou-ngounua Ngohino, tahigumal̄aua yongohama Ahi Tau. Genanga idadiö mangale o nyawa maporetino yogogere yototatapu o Israel manyawa manga hidogoronaka.”

¹⁰Ma Jou wohitemo ngohino, ”Ngohi aha tähukumu hagala o Lewi manyawa imakinïki de hagala o Israeloka manyawa mahomoa, ihimal̄aka Ngohi de yahuba o gomanga.

¹¹Ahi Tau magoronaka, önanga duga-duga yakunu ihi leleani Ngohi hokä manga dodiawo de o ngorana ma ago-agomo magogoana. Onanga yakunu yatoaka hagala o aiwani mangale o huhuba ituhu-tuhuku de o huhuba, de önanga kokiani mangale salalu yaleleani o umati.

¹²Ma karana önanga yodiaioka o gomanga yahuba maupacara mangale o Israel manyawa, dede madodagi gënanga o hoana gënanga yatatauru o baradoha magoronaika, done Ngohi, o Jou Duru toko Kurutil̄e, tokobotoönanga kokiani Tahukumu.

¹³Onanga yakunokauaoli ihileleani Ngohi hokä o imam ekola yatigi okia itebi-tebini. Genanga mahukumanga mangale hagala o manarama ipese-peseke önanga yadö dodiaioka.

¹⁴O öraha nënanga önanga Tahimanarama mangale yadiai o karajanga itotubuho iparalu yadiai Ahi Tauoka.”

¹⁵Ma Jou Duru woko Kurutil̄e wotemo, ”Maöraha o Israel manyawa ihi mal̄a Ngohi, o Lewi ma imam-imam o Zadok aidifauku kahirahi yosetia ihi leleani Ngohi Ahi Tauoka. Hababu gënanga önanga öraha nënanga kiani ihi leleani Ngohi de yoboa Ahi himangoka mangale ihihuba o haki de o awunu hagala o huhubaino.

¹⁶Duga-duga önanga dika yakunu yowohama Ahi Tauika, ihi leleani Ngohi Ahi huhuba mangïoka, de yatuda o puji Ahi Tauoka.

¹⁷ Maöraha önanga yongohama o ngorana ma amo-amoko madumutu o looaika magoronaka, önanga kiani imahinoa o pakeanga o lenan. Yakunua önanga ima hinoa o pakeanga o wolino nako önanga magogiria yomanarama o looa magoronaka, ekola Ahi Tau magoronaka.

¹⁸Hupaya yadahaukua de yagahaukua, önanga kiani imahinoa o haluara o lenan ngarouha manga gorona maliliko, de manga häeke maliliko o lenanino.

¹⁹ Nako önanga yöiki o looa maporetokaika, o kiaka o umati imatotoomu, o imam-imam gënanga kiani yaikokahi toönanga manga pakeanga ihi momanarama hagala o kamari itebi-tebini magoronaka Ahi Tauoka, daha imahinoa o pakeanga mahomoa, hupaya o pakeanga yodinga-dingakoka gënanga yahiboditoua o umati.

²⁰ Hagala imam yakunua yakori toönanga manga häeke yapalaloka, ekola yamal̄aika manga tadauru ma gurutuku. Manga tadauru gënanga kiani yatobiki madodipoko imamoteke o datoro ihitö totatapu.

²¹ Onanga yakunua yokere o angguru nako yomau yowohama o looa magoronaika.

²² Hagala o imam duga-duga yakunu yakawingi o Israeloka manga momoholehe kayoborohi ekola momatengo ma imam ngoi bao. Onanga yakunua yakawingi o ngoheka o helekono.

²³ Hagala o imam kiani yadotoko Ahi umatika mangale yatingaka de yafara kiaka ihito tinga-tingakoka mangale Ngohi de kiaka kowali, kiaka madebi-debini imamoteke o agama de kiaka ipese-peseke.

²⁴Nako ipuda o ributu o tita maperkara, önanga kiani ihi tiai imamoteke de hagala Ahi tita. Onanga kiani ihimulia o agama marameanga-rameanga, imamoteke hagala o datoro de hagala Ahi tita, ikali yahoromati o Sabat, hokä o wange ihi tinga-tingakoka mangale Ngohi.

²⁵ Womatengo o imam yakunua wapeseke ai diri de watigi o maiyeti, sawaliua ai dimono manga maiyeti, aingohaka, ai riadodoto o nauru ekola ngoi hiranga mokawinguahi.

²⁶Unanga wotebinokali ibötino, ünanga kiani wotämaoli o wange tumidi,

²⁷daha wöiki o looaika Ahi Tau magoronaka, de wohihuba o huhuba mangale watebini ai diri hupaya ünanga wakunu womanaramoli Ahi Tauoka. Ngohi, o Jou Duru toko Kurutil̄e totemoka.

²⁸ Hagala o imam yatarima o pangkati o imam gënanga hokä o hidoku mangale önanga okia Tahidö döa-döaka o Israelika manga ngohaka de manga danonguku. Onanga yakunua yapake okianaga o Israeloka: Ngohi toönanga manga arata.

²⁹ Onanga kiani yowango o huhubaino o gandum, o huhuba o baradoha ma apongo, deʼ o huhuba o rugi madagali; de hagala moi-moi ihitö tinga-tingakoka mangale Ngohi, kiani yahidöaka onangika.

³⁰Hagala o imam kiani yahidöaka duru maoa-oa hagala rupa manga hasili yautu-utukino madodihiraoka, de okiaino dika ihihö huba-huba Ngohino. Ihigali magetongo o Israeloka manyawa yodiai roti, done o roti madodihiraoka ganga mangale to imam-imam. Done Ngohi aha tohibarakati hagala manga tau o Israeloka manyawa.

³¹ O totaleo de hagala o aiwani mahomoa ihonenge mahirete, ekola yagoli o aiwani madorou, yakunua yaol̄omo mangale o imam-imam.”