Read Tobelo O HOSEA 11 Bible Online

O HOSEA 11 - Tobelo bible

O HOSEA 11

¹ Ma Jou wotemo, ”Ngohi tï dora o Israel i mulaenge ma tero unanga kaihohumujurohi, Tï ahoko Ahingohaka genanga wohopu o Mesirino.

²Mä i holoi Tï ahoko Ahi ngohaka gënanga i holoi ünanga wo ma kurutika Ngohiaka. Unanga wo ao o huhuba deʼ o dupa wo tuhuku mangale o Baal deʼ hagala o gikiri ma homoa.

³Ena hioko ka Ngohi tï dotoko o Israel womä dagi, deʼ iwi kokololo dema dora dema hayangi. Ka Ngohi tipö paliara unanga maʼ unanga woluku wo ngaku wohi goungu.

⁴De hagala Ahi dora de Ahi hayangi, tihi tigi-tigino dia Ngohi ino. Hagala ai huha de ai hangihara Tihi uwini, deʼ de Ahi hininga ma mura Ti hidöaka ünanga wol̄omo.

⁵O Israel manyawa gënanga yoluku ima kilioro Ngohi ino, hababu gënanga onanga kokiani önanga ima kilioro o Mesirika, deʼ o Asyur manyawa aha ya pareta önanga.

⁶O parangi aha i hora hiadono toönanga manga kota ma gorona ika, o ngorana i lago-agomo ma ngora-ngorana aha ya kilianga, deʼ Ahi umati yä binaha. Gënanga idadi karana önanga ya moteke manga mau ma hirete,

⁷deʼ ima togowini mangale ihi mal̄a Ngohi. Done önanga aha yahidutukuku, mä moiua yahi bebasi önanga ngaroko önanga yo pöaka yo gahoko o roriwo.”

⁸ Ma Jou wotemo, ”Hei Israel, yakunua Tonï dogumal̄aika ekola Tonï mal̄aika. Ka yakunu done Tonï binaha hokä o Adma? Ekola Tonï hidapara hoka o Zeboim? Ahi hininga yakunua Ta diai o hali gënanga, karana Ahi dara i lamoko holi ngona ika!

⁹Ngona aha Toni hukumua Ahi gangamo magoronaka, ngona aha Toni wedereokauoli. Hababu Ngohi ma Jou Madutu koʼ o nyawaua. Ngohi, Duru Tebi-tebini, toni tomoteke ngona, deʼ tolukoka oli toni ngamo ngona ika.”

¹⁰Ma Jou wotemo, ”Ahi umati aha ihi moteke Ngohi nako Ngohi toma pöaka hokä o singa deʼ yabahara toönanga manga haturü. Ahi umati aha ima tai-taiti yo boa o wange ma dumunoko la ihi huba Ngohi.

¹¹O Mesir deya ino aha yo boa manga japati hokä o totaleo, deʼ o Asyur de yaino hokä dema tika o namodara. Daha önanga aha Tä ao tä higilio toönanga manga tau ika. Ngohi, ma Jou, to temoka.”