Read Tobelo O HOSEA 13 Bible Online

O HOSEA 13 - Tobelo bible

O HOSEA 13

¹Ma hiraino o Efraim ai hoana ya horomati hiadono nako naga o pareta o hoanino gënanga, hagala o hoana ma homoa o Israel ma tonakoka yo hawana. Mä o Efraim ai hoana yo baradoha karana ya huba o Baal, hababu gënanga ënanga aha i hihanga i binaha.

²Hiadono oraha nënanga o Efraim manyawa gënanga ka hokogenagohi yo diai o baradoha; önanga yo diai o dulada-dulada o haaka la ya huba o dulada o nyawa ma akali yö dato-datoro deʼ ya tüku o nyawa manga giama. Onanga yo temo, ”Nihi huba o huhuba o dulada-duladaika nënanga!” Ho heranga, o nyawa ya ame o dulada o hapi ma ngohaka!

³Karana gënanga hagala o nyawa gënanga aha yo hihanga hokä o domoata ekola o dumunitara o ngoru-ngorumino. Onanga aha hokä o gandum ma gobe ma doolenge ma kafo o hidal̄oko ya wuwu o gandum yo hido-hidoro mangï oka, deʼ hokä o uku ma nofo i hupu ma pipa il̄e.

⁴Ma Jou wätemo, ”Ngohi ma Jou nia Jou Madutu tini ao-ao ngini o Mesir mabereraka deni hupu! Ngini koiwa nia Jou Madutu, ma homoa de Ngohi, koiwa ngini nia Jou Madutu. Ka Ngohi toma tengo-tengo tini hihohalamati.

⁵ O tonaka ma dudungoka o tonaka i kokakaha ka, ka Ngohi tini goa-goana ngini.

⁶Mä ka denigogeroka ngini o naga ma oa-oa oka, deʼ ngini inï punuhoka inoli nia mao yaoaka, ngini ni dadi ni edenge daha nihi wohanga Ngohi.

⁷Karana gënanga Ngohi ahi tini horokumu ngini hokä o singa. Hokä o macam tutul ini gogoana ngini o ngekomoka.

⁸Ngohi aha tini parangi ngini hokä o beruang ma ngoha-ngohaka i hihangoka. Ngohi aha tini kä kakihuku ngini. Hokä o singa Ngohi aha ti ni kabot ngini nia ngi oka, deʼ hokä o aiwani ma dorou Ngohi aha tini kä kakihuku ngini.

⁹Ngohi aha tinï binaha ngini hei Israel manyawa! deʼ onaguna wakunu winï riwo?

¹⁰ Ngini ni gahoko o koano deʼ o tutuda, mä kiaka yaika önanga mata-mata oraha nënanga? Ka yakunu önanga yahihalamati nia kawaha?

¹¹ De ahi dohata Ngohi tohidöaka o koano ngini ika, deʼ duru ko Ahi dohata Tä tauru önanga Tä higilio.”

¹²Ma Jou wato, ”O Israel ma baradoha deʼ ma baradoha ya tulihoka, de, ihi tuli-tulihoka ya gogonika.

¹³O Israel de ai oraha ma oa mangale wo wango, ma ünanga hoko gënanga ai bodo hiädono wa pakeua o oraha ma oa gënanga. Unanga hokä o ngohaka ma gilau ma hutu-ma hutuohi aha woma kil̄au mä woluku wo hupu ngoi ayo ami mamata ino.

¹⁴ O hoana de o berera nënanga aha kota hihalamatua o nyawa yo hone-honenge ma dunia ma kuaha ino. Hei o honenge nohibarihi ani bobaku o panyake! Na diai ani karajanga yahi bo binaha gënanga! Ngohi tä doraokaua o hoana deo berera nënanga.

¹⁵Ngaroko o Israel okiaokaua yo kuranga hokä o momo iboburere, ma Ngohi aha tohidingoto o hidal̄oko o wange ma hiwariha mahö hau-hauku o tonaka i kokakaha ino. O hidal̄oko gënanga aha ya dudungu o akere ma lako deʼ hagala o humu, hiadono i hihanga mata-mata dema roraganeoka.