Read Tobelo O YOEL 1 Bible Online

O YOEL 1 - Tobelo bible

O YOEL 1

¹Nënanga ma Jou Ai behehongo o Yoelika, o Petuel aingohaka.

²Ni ihene, hei o balu-baluhu; nia tailako, mata-mata o nyawa o Yehuda ma tonakoka. Boteka ma moi iböto o hali hoko nënanga idadi nia orahoka, ekola nia ete de nia tohora manga orahoka?

³Ni hi jarita idö da dadi gënanga nia ngoha-ngohakoka; la önanga ihiadono toönanga manga ngoha-ngohakika o jarita gënanga. Manga difauku oli kokiani yo ihene oli, deʼ ihi gila-gila manga difauku ma duruika.

⁴O kahoho ma tika ma ngöe ha etongo hakunua, i tangi o dumule-dumuleuku deʼ ya ol̄omo ma hasili kamamoiuku. Okia naga ya mal̄aika ma tika nënanga, ya hou ya mata o tika ma homoaoli.

⁵Hei inï dalu-daluku, ni momiki! Hei ni oke-okere ni ari! Hababu o angguru ma hungi-hungi ani uru oka de ya ora ka.

⁶ O kahoho ma duduono yö ngino nanga berera; ënanga ikuata deʼ haetongo hakunua ma ngöe, ma ingiri ma doto hokä o singa mabeka ma hihipata.

⁷Enanga ya binaha to ngone nanga angguru ma gota ma utu, deʼ tongone nanga ara ma gota ma utu kama agerokahi. Hagala mä röehe ma kai ënanga ya helenga hiädono ma jaga-jaga idadi kama gare-garehe.

⁸Ni ari, hei o umati, hokä o mohelehe mo duka-duka mi gari ai honenge ami mamane mï ho hininga ai honenge.

⁹O gandum deʼ o angguru ihihangoka ma Jou Ai Tau oka ihihangoka. Done yapake o imam-imam ya pake o huha ma pakeanga, yo sosatia iwï leleani ma Jou.

¹⁰Hagala o dumule oraha nënanga iwederuku. O tonaka ya mao o huha; hababu ibinaha hagala o gandum o angguru ma hohoko itoolenge, deʼ i mata o zaitun ma minya koiwaka.

¹¹Hei ni totumule, ni dodora! Hei o angguru ma tukanga niö goa-goana, ni ari! Hababu o gandum, o buapo deʼ ingodumu ya utu-utukino ibinaha.

¹²Hagala o gota hohoko ma gota ma utu o tonaka ilua-luasoka mata-mata itoolenge: o angguru ma gota ma utu, o apel, o ara, o korma deʼ o dalima. Done o kawaha ö ma yomorenokaua oli.

¹³Hei o imam-imam nilö leleani o huhuba mangï ka, nia pake o ngöere o karongo, deʼ ni ari. Ni wohama ma Jou Ai Tau ika la nidodora o hutu moi inï haiwatiki, hababu koiwa o huhuba o angguru deʼ o gandum mangale nia Jou Madutu.

¹⁴Nia hipareta nia umati la yopuaha, nia hingahu o doomu ma ago-agomo! Nia ahokino hagala o tutuda deʼ o balu-baluhu inoli yo ngodumu o Yehuda yogö gogere, hupaya yaino ma Jou Madutu Ai Tau ino, la yopöaka yo gahoko o roriwo Unangika.

¹⁵ Ma Jou Ai wange itigioka, o wange hö boborohono; maöraha Duru Wo kokuaha wö dotagao o ngedere.

¹⁶O inomo koiwaka ibinahaka nanga lako ma himangoka tongone nanga Jou Madutu Ai Tau oka Koiwa oli o morene ma ulili.

¹⁷O gihihi ihonenge o tonaka ma kokahaha ka. Koiwa o gandum mangale igogono, done hagala o gandum ma tau kama homoa deʼ idadi ikokilianguku.

¹⁸Aiwani o gigini ilau deʼ ma hininga ihuha; koiwaka o momo o tonaka ilua-luasoka mangika. O duba itika-tika kama bobelelaka.

¹⁹Ngohi to gahoko o roriwo Ngona ika ya Jou hababu o momo o tonaka ilua-luasoka yo uku hagala o gota ma utu ma itoolenge deʼ ihonenge hokä yo uku.

²⁰Ma boboloi o aiwani huhuku o honganoka ipöaka Ngonaika igahoko o bobatumu. Enanga yakunua ma hirete ma kiriti ma dudungu ihihanga, hababu hagala o ngairi mata-mata idudungoka.