Read Tobelo O BILANGAN 2 Bible Online

O BILANGAN 2 - Tobelo bible

O BILANGAN 2

¹Ma Jou wätemo o Musa deʼ o Harunika:

²”Maöraha o Israel manyawa ihigoko manga tau-tau ma doomu, o nyawa moi-nyawa moi kokiani imä tau manga rimoi ma doomu mapaji-paji magilolitino, de manga hoana mahirete ma nonako. Ingodumu o tau-tau madoomu gënanga kokiani ihi goko Ahi Tau magilolitino, mä hatoli mahuhutulu ikurutika de Ahi Tau.”

³O wange mahiworoko idaduoka, o tentara imahö hohongo o Yehuda ai rimoi madoomu ma paji-paji matimiuku kokiani i mä tau imoteke o duduono de manga tutuda moi-moi o datoro nënanga magoronaka: [Ai hoana] — [Manga tutuda] — [Manga ngöe] O Yehuda — Nahason aingohaka o Abinadab — 74.600 O Iskhar — Netanel aingohaka o Zuar — 54.400 O Zebulon — Eliab aingohaka o Helon — 57.400 Mata-mata mangöe: — 186.400 O Yehuda ai rimoi kokiani imagoraka iholoi yohira.

¹⁰O koreharail̄e idaduoka, o tentara ima hohongo o Ruben ai rimoi ma paji-paji matimioka, kokiani ima tau imamoteke manga duduono matutuda moi-moi madatoruku magoronaka nënanga: [Ai hoana] — [Manga tutuda] — [Manga Ngöe] O Ruben — o Elizur o Syedeur aingohaka — 46.500 O Simeon — o Selumiel o Zurisyadai aingohaka — 59.300 O Gad — o Elyasaf o Rehuel aingohaka — 45.650 Mata-mata manga ngöe — 151.450 O Ruben ai rimoi madoomu kokiani ima goraka hokä mahinotoka.

¹⁷Genanga de iböto, o Israeloka manga tentara yo ngodumu manga hi dö do goronaka, o Lewi ai hoana yotagi de yamoku ma Jou Ai Tau. Hokä önanga imä tau, hoko gënangoli önanga yotagi, moi-moi manga ngïoka ima moteke toönanga manga paji-paji.

¹⁸O wange madumuniha idaduoka, o tentara imahö hohongo o Efraim ai rimoi madoomu mapaji-paji matimiuku kokiani imä tau i moteke o duduono de manga tutuda moi-moi o datoro nënanga ma magoronaka: [Ai hoana] — [Manga tutuda] — [Manga ngöe] O Efraim — o Elisama o Amihud aingohaka — 40.500 O Manasye — o Gamaliel o Pedazur aingohaka — 32.200 O Benyamin — o Abidan o Gedioni aingohaka — 35.400 Mata-mata manga ngöe: — 108.100 O Efraim ai rimoi madoomu kokiani yotagi o Lewi ai hoana manga poretoka.

²⁵O koremieuku idaduoka, o tentara imahö hohongo o Dan ai rimoi madoomu mapaji-paji matimiuku kokiani imä tau imoteke o duduono de manga tutuda moi-moi o datoro nënanga magoronaka: [Ai hoana] — [Manga tutuda] — [Manga ngöe] O Dan — o Ahiezer o Amisyadai aingohaka — 62.700 O Asyer — o Pagiel o Okhran aingohaka — 41.500 O Naftali — o Ahira o Enan aingohaka — 53.400 de moritoa Mata-mata manga ngöe: — 157.600 O Dan ai rimoi ima goraka hokä yoturuino.

³²O Israel manyawa manga rimoi madoomu magoronaka yahi tö tuli-tulihi imoteke moi-moi manga duduono manga ngöe naga o nyawa yä 603.550.

³³Hokä ma Jou wohi popareta o Musaika, o Lewi manyawa ya hi tulihua kamamoi de o Israel manyawa mahomoa.

³⁴O Israel manyawa yadiai hagala ma Jou wohi popareta o Musaika. Moi-moi ima paji-paji mahirete magilolitino, deʼ ima-goraka imoteke manga hoana deʼ manga tau madol̄a.