Read Tobelo O BILANGAN 26 Bible Online

O BILANGAN 26 - Tobelo bible

O BILANGAN 26

¹ O Bodito gënanga de ipahaika, ma Jou wätemo o Musa deʼ o Eleazarika, ma Imam Harun aingohaka,

²”Ngini kokiani niä sensun yongodumu o Israel manyawa imoteke manga tau madol̄a moi-moi. Mata-mata o nau-nauru manga umuru o taongo monaoko de ihikail̄e kayakunu yodadi o tentara, kokiani nihitulihi manga romanga.”

³O Musa deʼ o Eleazar yadiai o pareta gënanga. Onanga yä ahoko o nau-nauru mata-mata manga umuru o taongo monaoko de hinoto de ihikail̄e deʼ yatoomu önanga o Moab matonaka irata-rataoka, o Yordan ma Ngairi mahonongaka imahi tigi-tigika o o Yerikho makotaika. Ne önanga o Israel manyawa yohö hupu-hupu o Mesiroka.

⁴

⁵O Ruben, o Yakub aingohaka mariaka; o Henokh, o Palu,

⁶o Hezron deʼ o Karmi manga ahaluku.

⁷O Nau-nauru manga ahali magoronaka gënanga manga ngoë manyawa ya 43.730.

⁸O Palu aingohaka gënanga o Eliab,

⁹deʼ o Eliab ai ngoha-ngohaka ganga o Nemuel o Datan deʼ o Abiram. O Datan deʼ o Abiram gënanga o umati yäirikoka, mä önanga imahi ganua de o Korah iwinö ninïki mangale yä lawani o Musa deʼ o Harun deʼ iwi lawani ma Jou.

¹⁰De o tonaka imoana deʼ yälahiri önanga hiädono önanga yohonenge kamamoi de o Korah deʼ iwinö ninïki maöraha o uku yäbinaha o nau-nauru ya 250. O hali gënanga idadi o hohininga o Israel manyawaika.

¹¹Mä o Korah ai ngoha-ngohaka koya hidotomaua.

¹²O Simeon ai hoanino: O Nemuel, o Yamin, o Yekhin,

¹³o Zerah deʼ o Saul manga ahaluku.

¹⁴O nau-nauru manga ahaluku magoronaka gënanga manga ngoë manyawa ya 22.200.

¹⁵O Gad ai hoanino: O Zefon, o Hagi, o Syuni,

¹⁶o Ozni, o Eri,

¹⁷o Arod deʼ o Areli manga ahaluku.

¹⁸O nau-nauru manga ahaluku magoronaka gënanga manga ngoë manyawa ya 40.500.

¹⁹O Yehuda ai hoanino: O Syela, o Peres, o Hezron deʼ o Hamul manga ahaluku. O Yehuda aingohaka yahinoto, enagënanga o Er deʼ o Onan, yohonengoka o Kanaan ma tonakoka.

²⁰

²¹

²²O nau-nauru manga ahaluku magoronaka gënanga manga ngöe ya 76.500.

²³O Izakhar ai hoanino: O Tola, o Pua

²⁴O Yasub deʼ o Simron.

²⁵O Nau-nauru manga ahaluku magoronaka gënanga manga ngoë ya 64.300.

²⁶O Zebulon ai hoanino: O Sered, o Elon deʼ o Yahleel manga ahaluku.

²⁷O Nau-nauru manga ahaluku magoronaka gënanga manga ngoë manyawa ya 60.500.

²⁸O Yusuf aidifauku, aingohaka o nauru yahinoto: O Manasye ai hoana deʼ o Efraim ai hoana.

²⁹O Manasye ai hoanino: O Manasye aingohaka, o Makhir, ai ama ganga o Gilead; deʼ o ahali-o ahali imakoki nïkika nënanga ganga o Gilead aidifauku:

³⁰O Iezer, o Helek,

³¹o Asriel, o Sekhem,

³²o Semide deʼ o Hefer.

³³O Zelafehad o Hefer aingohaka o nauru koiwa, duga-duga o ngoheka. Toönanga manga romanga ganga o ngo Mahla, o ngo Noa, o ngo Hogla, o ngo Milka deʼ o ngo Tirza.

³⁴O nau-nauru manga ahaluku magoronaka gënanga manga ngoë manyawa ya 52.700.

³⁵O Efraim ai hoanino: O Sutelah, o Bekher, deʼ o Tahan.

³⁶O Eran ai ahaluku ganga o Sutelah ai difauku.

³⁷O nau-nauru manga ahali magoronaka gënanga manga ngoë ma nyawa ya 32.500. Genanga o ahali-o ahali o Yusuf aidifauku.

³⁸O Benyamin ai hoanino: O Bela, o Asybel, o Ahiram,

³⁹o Sefufam deʼ o Hufan manga ahaluku.

⁴⁰O Ared deʼ o Naaman manga ahaluku ganga o Bela aidifauku.

⁴¹O nau-nauru manga ahaluku magoronaka gënanga manga ngöe manyawa ya 45.600.

⁴²O Dan ai hoanino: O Suham ai ahaluku.

⁴³O nau-nauru ai ahali magoronaka gënanga manga ngoë ma nyawa ya 64.400.

⁴⁴O Asyer ai hoanino: O Yimna, o Yiswi deʼ o Beria manga ahaluku.

⁴⁵O Heber deʼ o Malkiel manga ahaluku ganga o Beria aidifauku.

⁴⁶O Asyer ngoi yora ongoheka momatengo ami romanga ongo Serah.

⁴⁷O nau-nauru manga ahuluku magoronaka gënanga manga ngöe manyawa ya 53.400

⁴⁸O Naftali ai hoanino: O Yahzeel, o Guni,

⁴⁹O Yeser deʼ o Syilem.

⁵⁰O nau-nauru manga ahali magoronaka gënanga manga ngoë ma nyawa ya 45.400.

⁵¹Mata-mata o nau-nauru o Israel manyawa manga ngoë ma nyawa ya 601.730.

⁵² Ma Jou wïtemo o Musaika,

⁵³”Nahikodoku o tonaka gënanga o Israel ma nyawaika imoteke ma amoko toönanga manga hoana.

⁵⁴Nadiai gënanga de o undi. Manga hoana ilago-agomika kokiani nahidöaka manga hidoku ilamoko, deʼ manga hoana ma itetekika, manga hidoku ihutulu.”

⁵⁵

⁵⁶

⁵⁷O Lewi ai hoanoka o Gerson, o Kehat deʼ o Merari manga ahali.

⁵⁸Toönanga manga difauku magoronaka naga o Libni, o Hebron, o Mahli, o Musi deʼ o Korah manga ahali. O Kehat ganga o Amram ai ama.

⁵⁹O Amram wokawingi deʼ o ngo Yokhebed, o Lewi ngoi ora. O ngo Yokhebed gënanga momakil̄au o Mesir mabereraka. O Amram deʼ o ngo Yokhebed manga ngohaka o nauru yahinoto: O Harun deʼ o Musa, inoli o ngoheka momatengo, o ngo Miryam.

⁶⁰ O Harun aingohaka o nauru yaruata: O Nadab, o Abihu, o Eleazar, deʼ o Itamar.

⁶¹ O Nadab deʼ o Abihu yohonenge maöraha önanga ihihuba o uku ma Jou Madutu Ai hininga yadö dae-daenua.

⁶²O Nau-nauru o Lewi ai hoanino manga umuru o mede moi dei hikail̄e manga ngoë manyawa ya 23.000. Onanga yahitulihi itingakika yahikaganua de manga nyawa o hoana deʼ o berera moi, karana önanga yamakeua o tonaka o puhaka o Israel ma tonakoka.

⁶³Nënanga yatuli-tulihuku o Musa deʼ ma Imam Eleazer ya korona o Israeloka manga ahali maöraha önanga yodiai o sensus o Moab matonaka irata-rata o Yordan ma Ngairi ma honongaka imahi tigi-tigika o Yerikho ma kotaika.

⁶⁴Hagala o nyawa mahira o Musa deʼ o Harun yahitulihoka o Sinai matonaka ikokakahaka, kaimatengo makoiwa naga kayo wangohi.

⁶⁵ Ma Jou wahetongoka önanga mata-mata aha yohonenge o tonaka ikokakahaka. Deʼ igoungu önanga mata-mata yohonenge sowaliua o Kaleb o Yefune aingohaka deʼ o Yosua o Nun aingohaka.