Read Tobelo O BILANGAN 30 Bible Online

O BILANGAN 30 - Tobelo bible

O BILANGAN 30

¹O Musa wohidöaka o datoro-o datoro nënanga o Israel manyawa manga hoana matutuda-tutudaika.

² Nako womatengo o nauru wonazar ekola wahetongo ai jaji deʼ makoboto ma Jouika, hiädono ünanga wanikutu o jaji moika, ünanga kokiani wadiai okia wojajajioka gënanga, deʼ yakunua wohi pongono ai demo.

³Nako o moholehe momatengo mogogere ami ama ai tauoka mo nazar ma Jouika, deʼ manikutu ami diri de o jaji moi, deʼ ami ama wohimoteke maöraha woihene o hali gënanga, done o moholehe gënanga kokiani matotomo ingodumu ami nazar de ami jaji gënanga.

⁵Mä nako maöraha woihene o hali gënanga ami ama wohi motekua, done o moholehe gënanga imi nikutua ami nazar deʼ ami jaji ika. Ma Jou aha womihi apongo münanga, karana münanga ami ama womïduhunu.

⁶Nako o ngoheka momatengo mokawingowahi monazar ekola ami diri manikutu de o jaji moi, mudukua ihira matibangoka ekola kahoko gënanga dika, done munanga imi nikutu o nazar ekola ami jaji gënanga. Nako maduruino munanga mokawingi, munanga kahirahi imi nikutu ami nazar deʼ ami jaji gënanga, iti yakunu ami rokata womi himoteke maöraha woihene mangale o hali gënanga.

⁸Mä nako ami rokata maöraha woihene gënanga de womï duhunu munanga, done munanga iminikutua ami nazar de ami jaji gënanga. Ma Jou aha womihi apongo munanga.

⁹Nako o bobao momatengo ekola o ngoheka imi olukika modiai o nazar ekola o jaji manikutu ami diri, munanga morimoi ami nazar de ami jaji ika gënanga deʼ kokiani matotomo.

¹⁰Nako o ngoheka momatengo mokawingoka modiai o nazar ekola o jaji manikutu ami diri,

¹¹munanga kokiani matotomo hagala mojajaji gënanga, iti yakunu ami rokata womihi moteke maöraha ünanga woihene o hali gënanga.

¹²Mä nako maöraha woihene o hali gënanga de ami rokata womï duhunu munanga, done o ngoheka gënanga imini kutua ami nazar ekola ami jajika. Ma Jou aha womihi apongo munanga, karana munanga ami rokata womï duhunu.

¹³O rokata deʼ manga haku mangale wohigoungu ekola wohiuha moi-moi o nazar ekola o jaji madodiai ngoi hekata.

¹⁴Mä nako maöraha woihene o hali gënanga ami okata wo mihi moteke, o ngoheka gënanga kokiani matotomo ingodumu ami nazar ekola ami jaji madodiai ngoi hekata. Ami rokata wohigoungu deʼ o nazar ekola o jaji gënanga karana ünanga womihi moteke maöraha woihene.

¹⁵Nako maduruino ami rokata gënanga wohiuha o nazar ekola ami jaji ngoi hekata, done ami rokata gënanga kokiani womahi ta gongo wohiuha gënanga mahasili.

¹⁶Genanga doka o datoro-datoro ma Jou wohidöaka o Musaika mangale o nazar deʼ o jaji yadodiai o moholehe momatengo mo gogere ami ama ai tauoka, ekola o ngoheka momatengo mokawi-kawingoka.