Read Tobelo O BILANGAN 31 Bible Online

O BILANGAN 31 - Tobelo bible

O BILANGAN 31

²”Nadiai o balahi o Midian ma nyawaika karana okianaga önanga yodiaioka o Israel manyawaika. Genanga de iböto ngona aha nohonenge.”

³De o Musa wätemo o Israel manyawaika, ”Nimahi diaino ma ngale niparangi; kokiani ngini nia parangi o Midian manyawa mangale nia diai ma Jou Ai hukumanga onangika.

⁴O Israel ma nyawaino, kokiani ngini nia sadia o pajuretoka yaribuhu moi o hoana moi mangale yotagi yoparangi.”

⁵De yäiriki yaribuhu moi o hoana yogetongo o Israel ma nyawaino, yongodumu manga ngöe yaribuhu ngimoi de hinoto imahi diaioka yoparangi.

⁶O Musa wähuloko önanga yoparangi imako moteke de o Pinehas ma Imam Eleazar aingohaka. O Pinehas woao o bara-baranga itö tebi-tebini deʼ o trompet-trompet mangale wohidöaka o nonako-nonako.

⁷Imadaene de ma Jou Ai pareta o Musaika, o Israel manyawa yaparangi o Midian manyawa deʼ yatoma mata-mata manga nau-nauru,

⁸idogoika o Midian manga koano yamotoa, enagënanga o Ewi, o Rekem, o Zur, o Hur deʼ o Reba. O Bileam, o Beor ai ngohakö, iwi toma.

⁹O Israel manyawa yatagoko o Midian mangongoheka deʼ manga ngoha-ngohaka, deʼ yaora hagala manga aiwani deʼ manga aiwani o gigini, ekala toönanga manga kaya.

¹⁰Hagala o kota deʼ toönanga manga tau-tau madoomu-madoomu maya tuhuku.

¹¹Genanga de iböto o Israel manyawa yal̄ë mata-mata manga banakonino gënanga, ihi detongo yatago-tagokino de o aiwani,

¹²de yao o Musa de, ma Imam Eleazarika deʼ yongodumu o Israel manyawaika. Oraha gënanga önanga magogiriaka imä tau o Moab matonaka irata-rata, o Yordan ma Ngairi madatekoka, imahi tigi-tigika de o Yerikho ma kota.

¹³Done o Musa, ma Imam Eleazar deʼ mata-mata o Israeloka manga tutuda mahomoahi yohupu manga tau-tauino mangale yä buhuku o Israeloka manga tentara.

¹⁴O Musa wängamo yokokapita, ihi balu-baluhu o duduono deʼ o tentara mahungi manga baluhu naga gënanga dahao yolioino o parangino.

¹⁵Onangika wato, ”Yadodoa hoʼ ngini nia higumal̄a o ngoheka mata-mata gënanga yowango?

¹⁶ Koigoungua o ngongoheka gënanga yamoteke o Bileam ai nasihati, hiädono yäbaja o Israel manyawa o Peor mal̄okuoka mangale iwimal̄a ma Jou? Deʼ gënanga doka yägao o bodito ma Jou Ai umatika.

¹⁷Aa, öraha nanga nia toma moi-moi o ngoha-ngohaka o nauru deʼ moi-moi o ngongoheka o moholehe maboro okaua.

¹⁸Mä mata-mata o ngongoheka kao moholehe maborohi yakunu ngini nimal̄ë mangale ngini.

¹⁹Deʼ ngini mata-mata nia tomaka o nyawa ekola nia pekeoka o mayeti kokiani ngini nigogere o tau-tau madoomu maporetoka madekana o wange tumidi. O wange mahangeoka deʼ o wange matumidoka ngini deʼ mata-mata o ngongoheka ngini nia tagokino gënanga kokiani nia diai nia diri madebi-debini ma upacara.

²⁰O pakeanga madobiki yogetongo de okia dika makaino ino, o kabingi ma gogoino, o gota makaino kokiani o ihi tebeni.”

²¹De ipaha ma Imam Eleazar wätemo o nyawa gënanga dahaö yolio-liono o parangino gënanga, ”Nenanga doka o datoro-o datoro ma Jou wohi döa-döaka o Musaika.

²²Hagala moi-moi itotongohono o uku, hokä o gurasi, o haaka, o tabaga, o behi, o hori magare-garehe deʼ o hori ma daro-daromo, kokiani yatebini o uku magoronaka. De ipaha o bara-baranga gënanga kokiani yatebinoli de upacara ma debini akere hupaya ipesekokaua. Mata-mata o baranga mahomoa, koitahanua oukuoka, nakiani yatebini de o upacara madebini ma akere.

²³

²⁴O wange matumidoka kokiani ngini nia foka nia pakeanga, dahaö ngini nipesekokaua, deʼ yakunu niwohama o tau mado doomu magoronaika.”

²⁵Ma Jou wïtemo o Musaika,

²⁶”Ngona deʼ ma Imam Eleazar, nimako moteke de o Israel ma nyawa manga tutuda-tutuda mahomoahi, kokiani nia etongo mata-mata nia ora-oraino mahasili, nihi detongö o dago-dagokino deʼ o aiwani.

²⁷O dagokino mahasili gënanga kokiani ngini nia regu hinoto ima koketero mangöe; o hidoku moi mangale o tentaraka yoi-oikoka yoparangi, deʼ o hidoku moioli o umuti maboloi.

²⁸Mangale o ngongike itinga-tingaka Ngohino, ma Jou, o ten taraka manga hidokuino gënanga kokiani o ratuhu motoa ngona nal̄ë moi — kayaoa o nyawa o dago-dagokino, kayaoa o hapi, o keledai, o duba, deʼ o kabingi.

²⁹Nohidöaka gënanga ma Imam Eleazarika hokä o huhuba i tinga-tingaka mangale Ngohi, ma Jou.

³⁰O hidoku nahi döa-döaka o Israel ma nyawaika, kokiani moritoa ngona nal̄ë moi, kayaoa o nyawa o dago-dagokino, ka yaoa o hapi, o keledai, o duba deʼ o kabingi. Nohi döaka mata-mata gënanga o Lewi manyawa ihidö dailako Ahi Tau.”

³¹O Musa deʼ ma Imam Eleazar yadiai ma Jou wohi popareta.

³²Mahomoa de yal̄ë-l̄ëoka o tentaraka mangale manga diri mahirete, ya ora-oraino ma hasili gënanga mangöe: o duba deʼ o kabingi o dutu o 675.000, o hapi o dutu o 72.000, o keledai o dutu o 61.000 deʼ o moholehe maboro ya 32.000.

³³

³⁴

³⁵

³⁶Mangöe gënanga mahononga yahidöaka o tentaraika deʼ magegetongo yatengo-tengo; o duba deʼ o kabingi o dutu 337.500, o ngongike itinga-tingakoka ma Jouika magegetongino gënanga o dutu 675; o hapi o dutu 36.000, mangale o ngongike ihi tinga-tingakoka ma Jouika o dutu 72; o keledai o dutu o 30.500, mangale o ngongike ihi tinga-tingakoka ma Jouika o dutu 61; o moholehe ma boro ya 16.000, mangale o ngongike ihi tinga-tingaka ma Jouika ya 32.

³⁷

³⁸

³⁹

⁴⁰

⁴¹Daha o Musa wohidöaka o ngongike itinga-tingaka gënanga ma Imam Eleazarika mangale o huhuba ma Jouika, hokä ma Jou wohipö popareta.

⁴²Mangale o kawaha manga hidoku kaima koketero mangöe deʼ o tentaraka manga hidoku: o duba deʼ o kabingi o dutu o 337.500, o hapi o dutu o 36.000, o keledai o dutu o 30.500, deʼ o moholehe maboro ya 16.000.

⁴³

⁴⁴

⁴⁵

⁴⁶

⁴⁷Hokä ma Jou wohi popareta, moritoa o nyawa o dagokino de o aiwani o Musa wal̄ë moi, de ihidöaka o Lewi manyawaika yomomanarama ma Jou Ai Tauoka.

⁴⁸De ipaha o kokapita yatuda-tuda o Israeloka manga tentara, iwï himanga o Musa

⁴⁹deʼ ihi ngahu, ”Tuanga, ngomi mia etongoka o tentaraka mia pareta matimiuku. Inyata manga ngöe yongodu-ngodumu, kaima tengö ma yohihangua.

⁵⁰Hababu gënanga ngomi miao o poromu o gurasi, o gogoli o giamino, o gogoli ol̄ouino, o ali-ali, o ngati-ngati deʼ o gule moi-moi imal̄ëoka. Mata-mata nënanga ngomi mihidöaka ma Jouika hokä tongomi mia huhuba, hupaya Unanga kahirahi womiriwo ngomi.”

⁵¹Daha o Musa deʼ ma Imam Eleazar yatarima o gurasi gënanga mata-mata yadiai o poromu.

⁵²Manga huhuba o kokapita gënanga madubuho ngade-ngade o kilo o ratuhu hinoto.

⁵³Mä o tentaraka gënanga moi-moi imal̄ëoka o banakonino gënanga mahasili mangale önanga mahirete.

⁵⁴Done o Musa deʼ ma Imam Eleazar yao o gurasi gënanga ma Jou Ai Tauika hupaya ma Jou wä riwo o Israel manyawa.