Read Tobelo O BILANGAN 32 Bible Online

O BILANGAN 32 - Tobelo bible

O BILANGAN 32

¹O Ruben deʼ o Gad manga hoana manga aiwani o gigini duru kahangöe. Maöraha önanga yamake hoko kia marahai o Yaezer deʼ o Gilead matonaka mangale o aiwani o gigini,

²önanga yoiki iwï himanga o Musa, ma Imam Eleazar, deʼ o Israeloka manga tutuda-tutuda mahomoahi. Onanga yato,

³”O kota Atarot, o Dibon, o Yeezer, o Nimra, o Hesybon, o Eleale, o Sebam, o Nebo deʼ o Beon, yogö gogeroka o Israeloka de ma Jou Ai roriwo matonaka duru irahai mangale o aiwani o gigini deʼ karana tongomi mia aiwani o gigini duru kahangöe,

⁵ngomi migahoko hupaya o tonaka nënanga nimihidöaka ngomino idadia tongomi. Uha nimï huloko mimatagali o Yordan ma honongaika.”

⁶O Musa wohaluhu, ”Onagona yato ngini nimau nigogere nenango kadau, ena hioko nia nyawa nimako hoana de o berera moi yoiki yoparangi?

⁷Yadodoa hoʼ ngini nimau nidiai o Israel manyawa yohawana mangale yatobongo o Yordan ma Ngairi deʼ yowohama o bereraika ma Jou wahi döa-döaka onangika?

⁸ Nia ama yodiai hoko genangoli, maöraha o Kades-Barnea madaeraka de ngohi tä huloko mangale yatailako o berera gënanga.

⁹Onanga yadonoka o Eskol ma Waika deʼ yamakeoka matonaka gënanga. Mä maöraha önanga imakilioro, önanga yadiai o Israel manyawa yohawana mangale yowohama o tonaka ma Jou wahi döa-döaka onangika.

¹⁰ Done ma Jou wongamo öraha gënanga hiädono Unanga wotemo, ’O nyawa geönanga yosetiaua Ngohino. Mangale ma hababu gënanga Ngohi tokoboto, onangino manga umuru o taongo monaoko de ihikail̄e maöraha önanga yamal̄a o Mesir, moiua aha yowohama o bereraika Tahi jajajioka o Abraham, o Ishak deʼ o Yakubika.’

¹²Mata-mata yakorona o hukumanga gënanga sowaliua o Kaleb o Yefune aingohaka deʼ o Yosua o Nun aingohaka, karana önanga yahinoto kahirahi yosetia Ngohino.

¹³Ma Jou wangamo o Israel manyawaika hiädono Unanga wä mal̄aika önanga yoiki yodadagi o tonaka ikokakahaka o taongo mo ruata madekana hiädono yongodumu imakoku tuono yolawa-lawanoka Unangika yohonengoka mata-mata.

¹⁴Deʼ öraha nënanga, ngini nilawani hokä nia ama-ama! Ngini igoungu o doomu moi o nyawa yobö baradoha yadiai ma Jou ai dohata ifaeoli o Israel manyawaika.

¹⁵Nako ngini nima idulu niwï porete ma Jou, done yongodumu o nyawa neönanga aha wä mal̄aika iholoioli itedekana o tonaka ikokakahaka, deʼ ngini dika nidadi o hababu toönanga manga binaha!”

¹⁶Daha o Ruben deʼ o Gad manga nyawa gënanga imahi tigi-tigika o Musaika deʼ yotemo, ”Kayaoa de ngomi ihira mihigoko o kurunga-o kurunga o mehele mangale tongomi mia duba-duba, deʼ o kota mabebeno o mehele mangale mia ngohaka de mia hekata.

¹⁷Ngomi aha mimahidiai mangale itaiti mitagi mia himangika miparangi mimako moteke de tongomi mia riadodoto. Ngomi aha mihibaluhu o parangi gënanga deʼ mia ao yowohama o bereraika idadi toönanga. Itai-taitino gënanga mia ngohaka deʼ mia hekata yakunu yogogogere nenangoka dau, o kota mabebeno o meheloka, iridi de o parangi o berera madutuino.

¹⁸Ngomi aha komilioua tongomi mia tauika ihira de o Israel manyawa mata-mata de manga tonakoka mangale toönanga manga puhaka.

¹⁹Kama huhutulö ma ngomi mioluku mia tarima toönanga manga tonakino o Yordan ma Ngairi mahonongaka, karana ngomi mia tarimaka tongomi mia hidoku nenangoka dau, o Yordan ma Ngairi o wange mahiwaroko.”

²⁰O Musa wohaluhu, ”Nako ngini igou-goungu nima hidiai hupaya niparangi mangale ma Jou,

²¹deʼ mata-mata nia hidogoronaka yakunu yoparangi yatobongo o Yordan ma Ngairi, deʼ ma Jou Ai tutuda matimiuku nitagi nia parangi nia haturu-haturu hiädono ma Jou wäduhu önanga,

²²hiädono o berera gënanga imahi döaka Unangika, done ngini yakunu nilio, deʼ ngini nibebasi okia nia dodiai ma Jouika deʼ nia riadodotika, deʼ ma Jou aha winihi döaka o tonaka o wange mahiwaroko nënanga idadi tingini.

²³Mä nio hohininga, nako ngini nia totomua nia jaji, ngini nibaradoha ma Jouika deʼ aha wini hukumu karana nia baradoha gënanga.

²⁴Nioiki nihigoko nia kota deʼ nia duba makurunga, deʼ uha nia wohanga nia totomo okianaga ngini nijajajioka gënanga!”

²⁵Daha o Gad deʼ o Ruben manga nyawa yato, ”Tuanga, ngomi aha mia diai okianaga Tuanga nohipopareta.

²⁶Tongomi mia ngohaka de mia hekata deʼ mia aiwani mia gigini o hapi de ikali mia duba aha igogogere nenangoka dau, o Gilead makotaka.

²⁷Mä ngomi nënanga mima hidiai mangale mioiki miparangi ma Jou Ai tutuda matimiuku. Ngomi aha mia tobongo o Yordan ma Ngairi deʼ miparangi hokä ma Jou waheto-hetongoka.”

²⁸ Done o Musa wohidöaka o pareta nënanga ma Imam Eleazarika deʼ o Yosua deʼ o Israeloka manga tutuda-tutudaika,

²⁹”Nako o Gad ainyawa deʼ o Ruben ainyawa yamoteke ma Jou aipareta deʼ yatobongo o Yordan ma Ngairi mangale yoparangi, deʼ nako de toönanga manga roriwo ngini nihasili nia ora o berera gënanga, done o Gilead matonaka kokiani ngini nia hidöaka onangika idadi toönanga.

³⁰Mä nako önanga yatobongua o Yordan ma Ngairi mangale yoparangi nimako moteke dede ngini, done önanga kokiani yatarima o hidoku o tonaka o puhaka o Kanaan mabereraka, imatero hokä ngini.”

³¹O Gad deʼ o Ruben manga nyawa yohaluhu, ”Tuanga, ngomi aha mia diai okianaga ma Jou wohipareta.

³²Ma Jou Ai tutuda matimiuku ngomi aha mitagi dokengika o Kanaan ma tonakika deʼ mitagi mia himangika miparangi, mä ko kiani o tonaka o Yordan ma Ngairi o wange mahiwaroko nënanga itatapu idadi tongomi.”

³³Daha o Musa wohidöaka o Gad deʼ o Ruben manga hoanika deʼ o Manasye ai hoana mahononga mata-mataika o Sihon ai daera, o Amori manga koano, deʼ o Og ai daera, o Basan manga koano, ihi detongo o kota deʼ o tonaka mahigilolitino.

³⁴O Gad ai hoana ihi gokooli o Dibon ma kota, o Atarot, o Aroër,

³⁵o Atarot-Sofan, o Yaezer, o Yogbeha,

³⁶o Bet-Nimra, deʼ o Bet-Haran ma kota hokä o kota-o kota ma bebeno o mehele deʼ hokä mangï o duba makurunga.

³⁷O Ruben ai hoana ihi gokoli o kota-o kota o Hesybon, o Eleale, o Kiryataim,

³⁸o Nebo, o Baal-Meon, deʼ o Sebam. O kota-kota önanga ihi gokoli gënanga önanga yatagali maromanga.

³⁹Ngini Makhir, o Manasye aingohaka nia parangi o Gilead matonaka, de yä ora de nia duhu o Amori manyawa genangoka naga.

⁴⁰Hababu gënanga o Musa wahidöaka o Gilead matonaka gënanga o Makhir ai ahalika, deʼ önanga yotatapu genangokadau.

⁴¹O Yair o Manasye ai hoanino, yaparangi deʼ yaora o kapongo muruono naga, daha ihi romanga ”O Yair makapo-kapongo”.

⁴²O Nobah waparangi deʼ wa ora o Kenat de ikali makapongo-makapongo mahigilolitino, de wohiromanga o Nobah, imoteke ai romanga mahirete.