Read Tobelo O BILANGAN 35 Bible Online

O BILANGAN 35 - Tobelo bible

O BILANGAN 35

¹ O Moab matonaka irata-rataka, o Yordan ma Ngairi ma datekoka, imahi tigi-tigika o Yerikho makotaika, ma Jou wïtemo o Musaika,

²”Nahi ädono o Israel manyawaika o tonaka o puhakaino naga aha önanga yatarima gënanga makota muruono naga de mamomo matonaka ilua-luasoka mahigilolitino kokiani önanga yahidöaka o Lewi ma nyawaika hupaya önanga yakunu yogogere genangokadau.

³O kota-o kota gënanga idadi tö Lewi manyawa mangale önanga yogogere. O momo o tonaka ilua-luasoka mahigilolitino gënanga mangale manga aiwani o gigini deʼ hagala toönanga manga aiwani.

⁴O momo o tonaka ilua-luasoka gënanga o kota mabebeno o meheloka de yatuga ma amokika o metere o ratuhu iata de moritoa.

⁵Hoʼ o Lewi manyawa manga daera madüku ipahagi iata ma ngoata de magurutu ima tero-tero o metere o ratuhu hiwo de ma kota mahi dogoronaka.

⁶ O Lewi manyawaika kokiani ngini nia hidöaka o roriwo ma kota o gahumu butanga hokä o dooara mangï mangale hagala o nyawa koyohangajaua de yätomaka o nyawa mahomoa. Mahomoa de gënanga o Lewi manyawaika kokiani nia hidöakö o kota ma homoa o gahumu moruata de hinoto

⁷de mamomo o tonaka ilua-luasoka. Hoʼ ingodumu naga o kota o gahumu moruata de tufanga mangale o Lewi manyawa.

⁸O Lewi manyawa manga kota o Israeloka manga hoana moi-moi manga daera magoronaka mangöe ihitantu imoteke mangöe makota deʼ ma amokika o daera gënanga.”

⁹ Ma Jou wïhuloko o Musa

¹⁰wohiädono o Israel manyawaika o demo-demo nënanga, ”O Yordan ma Ngairi nia tobongo ipahaino deʼ niwohama o Kanaan mabereraika,

¹¹kokiani ngini nihitantu o roriwo ma kota-kota, hupaya hagala o nyawa koyohangajaua deʼ yatomaka o nyawa mahomoa, yakunu yopiringana genangika dau.

¹²O nyawa iwi toma-toma ai roriadodoto yomau yabalahi ito-torou, hoʼ o kotaka gënanga o nyawa gënanga aha worïdi. Hababu o nyawa iwi kokalaki o nyawa mahomoa wätoma, yakunu iwitoma nako ai perekara yatailakowahi o juru hakimi ma himangoka.

¹³Nihitantu o roriwo makota o gahumu butanga,

¹⁴hange o Yordan ma Ngairi o wange mahiwaroko deʼ hangeoli o Kanaan matonakoka.

¹⁵O kota o gahumu butanga gënanga idadi o roriwo makota mangale ngini, o Israel manyawa, deʼ mangale o nyawa dagi-dagino ekola yogogere yotatapu tingini nia hidogoronaka. Onagona dika yätomaka o nyawa mahomoa de koyohangajaua, yakunu ihi oara manga diri itimoi o kotaika gënanga.

¹⁶Mä nako womatengo wapake o daë o behi ekola o helewo ekola o gota la wätoma o nyawa mahomoa, o nyawa geünanga gënanga wotoma-toma; ünanga wahowono deʼ kokiani iwi hukumanga iwi hohonenge.

¹⁹Ai roriadodoto madutu o nyawa iwi toma-toma gënanga yakunu yadiai o honenge mahukumanga gënanga. Nako ünanga wï make wotoma-toma gënanga, ünanga yakunu wïtoma.

²⁰Nako womatengo wädohata o nyawa mahomoa, de wïtoma wihiboha ünanga ekola wïkaweli de o baranga moi unangika,

²¹ekola wïtidingi ünanga de ai bokoto, o nyawa geünanga gënanga wotoma-toma; ünanga wahowono deʼ kokiani iwi hukumanga iwihohonenge. Nako ünanga wïmake wotoma-toma gënanga, ünanga yakunu wïtoma.

²²Mä yakunoli idadi womatengo kowohangajaua wätoma o nyawa mahomoa wï doha-dohatua, mudukua wihiboha o nyawa geünanga ekola wï hikaweli de okianaga moi unangika.

²³Ekola yakunoli idadi womatengo wïmakeua, wïditifa o helewo o gahumu moi, de mabaha o nyawa mahomoa yohonenge koai haturua, deʼ ünanga koai dungutua wihibodito o nyawa geünanga.

²⁴O parakara-parakara marupa hoko gënanga magoronaka o kawaha madoomu kokiani yatailako mahowono ekola madiai o nyawa wotoma-tomaka de o nyawa yomau yabalahi o nyawa iwi toma-toma ai honenge manga hidogoronaka.

²⁵O kawaha madoomu kokiani iwï riwo o nyawa wotoma-tomaka mako wohangajaua gënanga iwitö toma-toma ai riadodoto manga gangamoino. O nyawa geünanga kokiani iwi aoli o roriwo makotaika, o ngï ünanga wohi oara ai diri. Unanga kokiani wo gogere genangokadau hiädono o nyawa wodadadi ma imam wo Amo-amoko öraha gënanga wohonengoka, gënanga de ipahaika ünanga yakunu wolio ai kapongo madutuika. Mä nako ünanga wamal̄a o roriwo makota o ngï ünanga wohi oara ai diri, daha iwi make o nyawa iwi toma-toma ai riadodoto deʼ iwi toma, done o balahi ma dodagi gënanga o domaua.

²⁹O datoro-o datoro gënanga ipake mangale ngini deʼ mangale nia ngohaka de nia danongo manga ngohakuku, kiaka dika ngini nigogere.

³⁰ O doma maperokara magoronaka, o nyawa iwi kokalaki hokä wotoma-toma duga-duga yakunu ihi nyata wahowono deʼ iwi hukumanga iwi hohonenge nako o manarama gënanga yakunu ihi nyata igoungu o hakihi yahinoto ekola yoholoi. O hakihi womatengo ikuatua ma ngale ihi nyata igoungu o galaki gënanga itiai.

³¹Womatengo wotoma-toma kokiani iwi hukumanga iwi hohonenge. Unanga yakunua watuhuhu o hukumanga gënanga de o tiwi.

³²Nako womatengo wohi oara ai diri o roriwo makotaika moi, uha niwihigumal̄a ünanga wohidöaka o tiwi hupaya yakunu wolio ai tauika ihira de ma Imam wo Lamo-amoko wohonenge.

³³Nako ngini nia diai hoko gënanga, ngini nia peseke o tonaka ngini naga nio gogogere. O doma yapeseke o berera; hoʼ koiwa naga o ngekomo mahomoa mangale yatebini o berera gënanga mahomoa de iwi hohonenge wotö toma-toma.

³⁴Uha nia peseke o tonaka ngini naga nio gogogere, karana Ngohi ma Jou, deʼ Ngohi togogere o Israel manyawa manga hidogoronaka.”