Read Tobelo O BILANGAN 7 Bible Online

O BILANGAN 7 - Tobelo bible

O BILANGAN 7

¹Maöraha o Musa wabötoka wohigoko ma Jou Ai Tau, o Tau gënanga deʼ hagala mapakakaha yatabis deʼ yal̄auhu mata-mata deʼ o upacara maminya. Hoko genangö wadiai mahuhuba mangï ika deʼ hagala mapakakaha.

²De o Israeloka manga balu-baluhu enagënanga o hoana manga hae-haeke imahitö tago-tagongo yadiai o sensus,

³ihi huba ma Jou Ai himangoka o goroba o gahumu butanga deʼ o hapi o dutu ngimoi deʼ hinoto: o balu-baluhu yahinoto ihi batumu o goroba o gahumu moi, deʼ mahapi o dutu moi. Onanga ihi huba deʼ ipaha,

⁴ma Jou witemo o Musaika,

⁵”Natarima o ngongike-ngongike gënanga mangale yagoraka Ahi Tau; nahidöaka mata-mata gënanga o Lewi manyawaika ima moteke deʼ toönanga manga manarama.”

⁶De o goroba-goroba deʼ o hagala o hapi gënanga o Musa wohi döaka o Lewi manyawaika.

⁷O goroba hinoto deʼ o hapi o dutu iata nahidöaka o Gerson ma nyawaika,

⁸o goroba iata deʼ o hapi o dutu tufange o Merari manyawaika, ima moteke deʼ o manarama önanga yadodiai o Itamar, ma imam Harun aingohaka ai tutuda matimiuku.

⁹Mä o Kehat manyawa yatarimaua o goroba ekola o hapi o Musaino, hababu o bara-baranga itö tebi-tebini önanga imahitö tago-tagongo, kokiani önanga yamoku manga beleka mal̄okuoka.

¹⁰Manga balu-baluhu yao ihihö huba-huba mangale ihi mulia o huhuba mangï matabisan ma upacara. Maöraha ima sadiaka mangale yao toönanga manga ngongike mahuhuba mangï mahimangoka.

¹¹Ma Jou wïtemo o Musaika, ”Nahetongo onangika o wange ihi getongo o wange ngimoi deʼ hinotoino womatengo o tutuda manga hidogoronaka gënanga kokiani ihi huba manga huhuba mangale o huhuba mangï matabisan ma upacara.”

¹²Moi-moi yoao manga huhuba imoteke o datoro nënanga. [O wange] — [Ai hoana] — [Manga tutuda] Madodihiraka — o Yehuda — o Nahason o Abinadab aingohaka Mahinotoka — o Isakhar — o Netaneel o Zuar aingohaka Mahangeoka — o Zebulon — o Eliab o Helon aingohaka Maiatoka — o Ruben — o Elizur o Syedeur aingohaka Mamotoaka — o Simeon — o Selumiel o Zurisyadai aingohaka Mabutangaka — o Gad — o Elyasaf o Rehuel aingohaka Matumidoka — o Efraim — o Elisama o Amihud aingohaka Matufangeoka — o Manasye — o Gamaliel o Pedazur aingohaka Mahiwoka — o Benyamin — o Abidan o Gideoni aingohaka Mangimoioka — o Dan — o Ahiezer o Amisyadai aingohaka MaNgimoi de moioka — o Asyer — o Pagiel o Okhran aingohaka Mangimoi de mahinoto — o Naftali — o Ahira o Enam aingohaka Toönanga moi-moi ihiho huba-huba ganga kai maketero: o dodai o haaka o gahumu moi madubuho o kilo moi de mahononga deʼ o bokolo o haaka madubuho o kilo mahononga iholoi, imo(...)

⁸⁴Ihihö huba-huba yao-ao o tutuda yangimoi de yahinoto mangale o huhuba mangï gënanga yatabis ingodumu mangöe: — o dodai o haaka ngimoi de hinoto deʼ o bokolo o haaka ngimoi de hinoto madubuho mata-mata o kilo monaoko de tumidi de o ons butanga — o dodai o gurasi ngimoi de hinoto madubuho mata-mata o kilo moi de o ons moruange de hinoto madola o dupa i oma-omanga — o hapi manauru o dutu ngimoi de hinoto, o duba manauru o dutu ngimoi de hinoto, deʼ o duba mangohaka o dutu ngimoi de hinoto ma umuru o taongo moi, kamamoi de o huhuba ihi dodiaiuku hokä madatoö mangale o huhuba yatö tuhu-tuhuku — o kabingi o dutu ngimoi de hinoto mangale o baradoha ma apongo mahuhuba, o hapi manauru o dutu monaoko de iata, o duba manauru o dutu mori butanga, o kabingi o dutu mori butanga, deʼ o duba ma ngohaka o dutu mori butanga ma umuru o taongo moi mangale o dame mahuhuba.

⁸⁹O Musa wohi geto-getongo wowohama ma Jou Ai Tau magoronaika mangale ima ade-ade de ma Jou, ünanga woihene ma Jou Ai ilingi wï temo-temo unangika o Jaji ma Peti madadamunoka de yauku o dodadi dema gogahuhuoka madulada hinoto mahidogoronaka.