Read Tobelo O ZAKHARIA 2 Bible Online

O ZAKHARIA 2 - Tobelo bible

O ZAKHARIA 2

¹O lolega ituruino magoronaka ngohi tamake womatengo o nauru wa söino o duduga ma lawe.

²”No mau okiaika?” ti leha. ”To mau tatuga o Yerusalem,” wohaluhu, ”ngohi tö igo tanako hokokia magurutu deʼ mangoata o kota gënanga.”

³Ipaha timake o malaikat mimä ade-adeoka de de ngohi gënanga, wo aguru wotagi ai himangika, deʼ woma tengo o malaikat mahomoa wimake.

⁴O malaikat madodihiraka wïtemo o malaikat mahinotookaika, ”Noiki itaiti o goduruika gënanga, deʼ nahetongo unangika o Yerusalem aha hoko gënanga manga ngöe deʼ o nyawa deʼ o gigini hiädono yakunua ihi goko o bebeno o mehele magilolitino.

⁵Ma Jou wojajioka Unanga mahirete aha wodiai o bebeno o mehele o uku yakilolitino o kota gënanga, mangale wö goana de Unanga aha wogogere dokengoka hagala o kuaha deʼ Ai mulia ma goronaka.”

⁶Ma Jou wätemo Ai umatika, ”Ngohi tini hikabarihi oka hagala o libuku ika. Mä öraha nënanga hei o tabuanga manyawa, o Babel deʼ nia ino ni oara deʼ ni lio o Yerusalemika.

⁸O nagona i ni parangi ngini, yaparangi ahi gate ma belaka.” Done ma Jou Duru woko Kuaha wohi huloko ngohi tohiädono o behehongo nënanga o hoana de o bereraika yä ora-oraoka Ai umati,

⁹”Ma Jou mahirete aha wi ni lawani ngini! De ngini aha ini ora nia gogilaongo ma hira-ma hirete. Nako o hali gënanga idadi, ngini aha nihi öriki ma Jou Duru woko Kuaha wo hi hulokoka ngohi.”

¹⁰Ma Jou wotemo, ”Ni nyanyi deʼ nia morene hei Yerusalem ma nyawa! Ngohi aha to gögere niahi dö dogoronaka!”

¹¹O öraha gënanga o hoana deʼ o berera manga ngöe aha yo boa ma Jouika mangale yo dadi Ai umati. Unanga aha wo gogere niahi dödogoronaka, deʼ ngini aha ni hi öriki ma Jou wo hi hidingotoka ngohi nginika.

¹²Ma moioli o Yehuda aha yo dadi to ma Jou Madutu womä dinga-dingakoka o tonaka ma debi-debinoka, deʼ o Yerusalem aha idadi o kota duru Wahö haya-hayanga.

¹³Ni ma rïdi ngini mata-mata ma Jou Ai himangoka! Karana Unanga wo ma gorakoka Ai ngï wogö gogeroka o horogaka.