Read Tobelo O MALEAKHI 4 Bible Online

O MALEAKHI 4 - Tobelo bible

O MALEAKHI 4

¹Wato ma Jou Duru woko Kuaha, ”Aha iboa mawange mata-mata yo ede-edenge deʼ madorou yätuhuku hokä gandum maröehe madoolenge. O wange gënanga önanga aha yätuhuku yämata, deʼ moiua onangino mahou.

²Mä mangale ngini nihihi ngou-ngounu Ngohino, Ahi kuaha ihi hohalamati aha ipuda matero-tero o wange malako, deʼ madararono i ao ohi togumu. Ngini aha nibebasi deʼ nimorene hokä o hapi mangohaka daha ihupuino o kurungaino.

³O wange gënanga Ngohi aha todiai, deʼ ngini aha niä hihanga hagala o nyawa ma dorou, hiädono önanga hokä o kafo ngini nia pito-pitoko.

⁴Niohininga hagala ai dodotoko Ahi gilaongo o Musa, niohininga hagala Ai tita deʼ hagala Ahi pareta Tohi döa-döaka unangika o Sinai mal̄okuoka mangale nihi ngounu o umati Israeloka ningodumu.

⁵ Mä o wange duru ikokiria deʼ homodo-modongo Tohi tantu gënanga iboauahi, aha Tihüloko nginika ma Nabi Elia.

⁶Unanga aha wadiai o ama-ama deʼ o ngoha-ngohaka yohininga moi, hupaya uha Ngohi toboa tabinaha nia berera.”